ფრანგული ტანსაცმლის, აქსესუარების და პარფიუმერიის ბრენდის Givenchy-ს დამფუძნებელი, იუბერ ჟივანში 91 წლის ასაკში გარდაიცვალა.

BBC-ის ინფორმაციით, ცნობა ფრანგი დიზაინერის გარდაცვალების შესახებ მისმა პარტნიორმა ფილიპ ვენეტმა გაავრცელა.

"დიდი გულისტკივილით გატყობინებთ, რომ იუბერ ტაფინ დე ჟივანში გარდაიცვალა" - თქვა მან განცხადებაში, რომელიც ჟივანშის მოდის სახლიდან გაავრცელა.

იუბერ ჟივანშიმ ბრენდი 1952 წელს დააარსა და იქ 1995 წლამდე მუშაობდა. მან შექმნა ოდრი ჰეფბერნისა და ჟაკლინ კენედის დაუვიწყარი კოსტიუმები.

"ჟივანშის საოცრად მარტივი ტანისამოსი მუდამ მეხმარებოდა ჩემს პერსონაჟთან თავის გაიგივებაში" - ამბობდა ოდრი ჰეფბერნი პატარა შავი კაბის ავტორზე.

ჟაკლინ კენედი ჟივანშის კაბებში

ჟაკლინ კენედის კაბები ჟივანშის მუზეუმში