ოსკარის მფლობელმა მსახიობმა შარლიზ ტერონმა თქვა, რომ დედამისი გერდა მას მარიხუანათი ამარაგებს და ამით ცდილობს შვილს უძილობის პრობლემა მოუხსნას.

"საშინელი ძილის რეჟიმი მაქვს, უფრო სწორედ - უძულობის, ისევე როგორც დედაჩემს. უამრავი მედიკამენტი ვცადეთ, მაგრამ არაფერმა არ გვიშველა, ერთხელ ვუთხარი, რომ რამე სხვა უნდა მოგვესინჯა, ისეთი რაც მართლა დაგვეხმარებოდა ძილში. გასულ კვირას სახლში რომ მივედი, დედაჩემი ჩოგბურთის ფორმაში გამოწყობილი დამხვდა და პატარა კოლოფი მომაწოდა, მითხრა, რომ ეს რაღაც კარგად და სწრაფად დაძინებაში დამეხმარებოდა. საბოლოოდ აღმოჩნდა, რომ სახლში მარიხუანა მომიტანა, რომელიც ჩოგბურთის თამაშის დროს პარტნიორმა მისცა", - ყვება ტერონი.