საქართველოში ამერიკის ელჩმა იან კელიმ განაცხადა, რომ აშშ მხარს უჭერს 2008 წელს მიღებულ გადაწყვეტილებას, რომლის მიხედვითაც საქართველო ჩრდილოატლანტიკური ალიანსის წევრი გახდება.

"საქართველოში ჯონ კერის ვიზიტისას მისი ერთ-ერთი მთავარი გზავნილი იყო მტკიცე მხარდაჭერა საქართველოს მისწრაფებისა, გახდეს ნატოს წევრი. საქართველოს პრეზიდენტმა, პრემიერმა და პარლამენტის თავჯდომარემ დღეს ეს მისწრაფება კიდევ უფრო განამტკიცეს" - განაცხადა ამერიკის ელჩმა საქართველოში.

ნატოს სამიტი, რომელსაც საქართველოს პრეზიდენტთან ერთად რამდენიმე მინისტრი და უშიშროების საბჭოს მდივანი იმყოფება, პოლონეთის დედაქალაქში დღეს დაიწყო. მსოფლიოს სხვადასხვა ქვეყნის ლიდერთან ერთად ვარშავაში იმყოფება აშშ-ს პრეზიდენტი ბარაკ ობამა. მნიშვნელოვან შეხვედრების გამართვას გეგმავს ვარშავაში მყოფი თავდაცვის მინისტრი, თინა ხიდაშელი.

ამავე თემაზე: