საქართველოს სახალხო დამცველმა, ნინო ლომჯარიამ ტატუნაშვილის ცხედრის გადმოსვენებასთან დაკავშირებით განაცხადა, რომ ხმა ყველა საერთაშორისო ორგანიზაციას მიაწვდინა, თუმცა ძნელია იმის დაზუსტება რა დრო დაჭირდება ცხედრის გადმოსვენებას.

"ჯერჯერობით ძნელია იმის დაზუსტება კონკრეტულად რა დრო დაჭირდება გადმოსვენების პროცესს, ინფორმაციის მიღება ოკუპირებული რეგიონიდან გართულებულია, გამკაცრებულია საპოლიციო რეჟიმი."

ნინო ლომჯარიას თქმით, ტატუნაშვილის ოჯახი ყურადღებით კმაყოფილია. ისინი ერიდებიან განცხადებებს, რადგან არ სურთ მოლაპარაკების პროცესი გამწვავდეს.

"დაიმედებულები არიან გუშინდელი განცხადებების შემდეგ საპატრიარქოს და პრემიერის მხრიდან, თუმცა კონკრეტულ ინფორმაციას ისინი ვერ ფლობენ. მათთვის დღეს ყველაზე მნიშვნელოვანი არის ცხედრის დროული გადმოცემა, სხვა დანარჩენზე ისინი არ საუბრობენ. მთავარია, რომ ოჯახმა მიიღოს ცხედარი და სხვა ტიპის განცხადებებს ისინი ერიდებიან იმიტომ, რომ არ სურთ რაიმე გამწვავდეს აი ამ მოლაპარაკებების განმავლობაში."