სახალხო დამცველის, ნინო ლომჯარიას განცხადებით, ოკუპირებულ ცხივნვალში გარდაცვლილი არჩილ ტატუნაშვილის ცხედრის გადმოსვენების საკითხი საერთაშორისო ორგანიზაციებსაც გააგებინეს.

"ასევე, მე დავინტერესდები თავად ოჯახს რა აქვს სათქმელი ჩემთან, როგორც სახალხო დამცველთან. რამდენად არის კმაყოფილი ხელისუფლების მხრიდან ყურადღებით და იმ ნაბიჯებით, რაც იქნა გადადგმული", - განაცხადა სახალხო დამცველმა.

ტატუნაშვილის საქმე

22 თებერვალს ცხინვალის ციხეში საქართველოს მოქალაქე გარდაიცვალა. ოსური მხარის ვერსიით, არჩილ ტატუნაშვილმა იზოლატორში გადაყვანისას პოლიციელისთვის იარაღის წართმევა სცადა, საპასუხო ძალის გამოყენების შედეგად შეუძლოდ გახდა, კიბეებზე წაიქცა და მოგვიანებით საავადმყოფოში დაიღუპა.

სახელმწიფო უსაფრთხოების სამსახურის ინფორმაციით, ოსური მხარე აცხადებს, რომ ტატუნაშვილი ინფარქტით დაიღუპა და მისი ცხედრის ექსპერტიზაზე უარს ამბობს. გარდაცვლილის ცხედარი ოკუპირებულ ცხინვალს 24 თებერვალს უნდა გადმოესვენა, თუმცა დე ფაქტო ხელისუფლებამ პოზიცია შეცვალა.

ახალგორში არჩილ ტატუნაშვილთან ერთად დაკავებული იყო საქართველოს კიდევ ორი მოქალაქე. სუს-ის ცნობით, ლევან ქუტაშვილი და იოსებ პავლიაშვილი უკვე ცხინვალის ციხიდან ახალგორში გადაიყვანეს. ოსური მხარე მათ გადმოცემაზე უარს ამბობს.

გაიგეთ მეტი: