"ვერავინ და ვერაფერი მაიძულებს, რომ ჩავერთო ამ გაურკვევლობაში", - ეს განცხადება ეკონომიკის მინისტრმა და ვიცე-პრემიერმა, დიმიტრი ქუმსიშვილმა TV პირველთან დაკავშირებით გააკეთა.

ქუმსიშვილის თქმით, ის ეთანხმება გიორგი კვირიკაშვილის განცხადებას, რომლის თანახმად, ხელისუფლების მხრიდან მედიაზე ზეწოლის ბრალდებები აბსურდულია.

TV პირველზე ხელისუფლების წარმომადგენლების მხრიდან შესაძლო ზეწოლის შესახებ 16 თებერვალს გახდა ცნობილი. ახრის პოლიტიკური ტოქშოუს წამყვანმა, ნინო ჟიჟილაშვილმა განაცხადა, რომ კონკრეტული ზეწოლა ხელისუფლების წარმომადგენლების მხრიდან არ ყოფილა, თუმცა იყო სიგნალები, რომ ტელეკომპანია პირველს სამომავლოდ შეეცვალა "თავისი შინაარსი".