საქართველოს პრემიერ მინისტრი, გიორგი კვირიკაშვილი აცხადებს, რომ მომქედი ხელისუფლების მიმართ მედიაზე ზეწოლის ბრალდებები აბსურდულია:

"ამ ხელისუფლებამ მოიტანა ის, რომ პრაქტიკულად დღეები სჭირდება ახალი ტელევიზიის დარეგისტირებას, ამიტომ ნამდვილად ვერ მივიღებთ ამ ბრალდებებს. იმ მონაპოვარს, რასაც თავისუფალი მედია ჰქვია, ჩვენი ხელისუფლების პირობებში ვერავინ შეეხება. გამორიცხულია რომ ასსთი რამე ხდებოდეს."

პრემიერს დაეთანხმა განათლების მინისტრიც.

"აბსოლუტურად ვეთანხმები პრემიერის განცხადებას, რომ ჩვენთან მედია არის სრულიად თავისუფალი. არავითარი კონტროლი სახელმწიფოს მხრიდან მედიასაშუალებებზე არ არის. ყველა მედია არის აბსოლუტურად თავისუფალი", - განაცხადა განათლების მინისტრმა, მიხეილ ჩხენკელმა.

TV პირველზე ხელისუფლების წარმომადგენლების მხრიდან შესაძლო ზეწოლის შესახებ 16 თებერვალს გახდა ცნობილი. ახრის პოლიტიკური ტოქშოუს წამყვანმა, ნინო ჟიჟილაშვილმა განაცხადა, რომ კონკრეტული ზეწოლა ხელისუფლების წარმომადგენლების მხრიდან არ ყოფილა, თუმცა იყო სიგნალები, რომ ტელეკომპანია პირველს სამომავლოდ შეეცვალა "თავისი შინაარსი".

არხის სარედაქციო პოლიტიკის გამო მფლობელის ფინანსურ კრიზისზე ისაუბრა გუშინ, 20 თებერვალს ტელეკომპანია იბერიას საინფორმაციო სამსახურის უფროსმაც.