ტვ პირველის პოლიტიკური ტოქშოუს წამყვანი, ნინო ჟიჟილაშვილი აცხადებს, რომ ხელისუფლებისგან მოდიოდა სიგნალები, რომ ტელეკომპანია პირველს სამომავლოდ შეეცვალა "თავისი შინაარსი". ამის შესახებ ჟიჟილაშვილმა მედიის უახლესი გამოწვევების შესახებ საქართველოში მრგვალი მაგიდის სხდომაზე განაცხადა.

ნინო ჟიჟილაშვილის თქმით, კონკრეტული ზეწოლა ხელისუფლების წარმომადგენლების მხრიდან არ ყოფილა, თუმცა მისივე აზრით, ამ ტელეკომპანიის არსებობა ხელისუფლებისთვის პრობლემურია. ჟურნალისტმა აღნიშნა, რომ ამ ეტაპზე ბარიერები მოხსნილია და არხი რჩება დამოუკიდებელი სარედაქციო პოლიტიკის მქონე მაუწყებლად:

"ამ ეტაპისთვის პირდაპირი მტკიცებულებები ხელთ არ გვაქვს და ვაგრძელებთ მათი მოპოვებისთვის მუშაობას."