მას შემდეგ, რაც ჯენიფერ ლოურენსი კაბის გამო გააკრიტიკეს, ამერიკელმა მსახიობმა ყველას შეახსენა, რომ იმას ჩაიცმევს, რაც თავად სურს.

ლონდონში, თავისი ბოლო ფილმის, Red Sparrow-ს პრეზენტაციაზე, ჯენიფერს ვერსაჩეს შავი კაბა ეცვა. კრიტიკოსებმა ჯენიფერის კაბა ამინდისთვის შეუფერებლად მიიჩნიეს.

ამერიკელმა ლამაზმანმა კრიტიკოსებს ფეისბუკზე უპასუხა. მისი სიტყვები კიდევ ერთხელ გვახსენებს, რომ ჰოლივუდის ყველაზე გავლენიან ქალებსაც კი უწევთ მსოფლიოსთვის იმის დამტკიცება, რომ არჩევანში თავისუფლები არიან.

"WOW. არც კი ვიცი საიდან ვუპასუხო კამათს, რომელიც განიხილავს "ჯენიფერ ლოურენსს სიცივეში ამოღებული კაბა აცვია". ეს სრული აბსურდია და საშინლად შეურაცხყოფილი ვარ. ვერსაჩეს კაბა საოცარი იყო და ფიქრობთ, რომ ის შარფით ან მოსაცმელით უნდა დამეფარა? გარეთ სულ 5 წუთის განმავლობაში ვიყავი.

ფოტო: John Phillips / Getty Images

ამ კაბის გამო თოვლშიც გავიდოდი, რადგან მე მიყვარს მოდა და ეს ჩემი არჩევანია. თქვენი შეხედულებები კი სექსისტური და აბსურდულია. ეს არაა ფემინიზმი. ყველაფერზე გადაჭარბებული შეფასება ქმნის ისეთ სულელურ კამათს, როგორიცაა რის ჩაცმას გადავწყვეტ ან არ გადავწყვეტ. ასეთ განხილვებს წინ არ მივყავართ და პირიქით, სწორედ ასეთი სისულელეები გვაშორებს ნამდვილ პრობლემებს.

თავი ხელში აიყვანეთ, ხალხო. ყველაფერი, რასაც ხედავთ, რომ მაცვია, ჩემი არჩევანია. და თუ მინდა რომ მციოდეს, ესეც ჩემი არჩევანია!"