16 თებერვალს ჯენიფერ ენისტონმა და ჯასტინ ტერუმ ოფიციალურად დაადასტურეს, რომ 2017 წლის ბოლოს ისინი ერთმანეთს დაშორდნენ.

როგორც მათ განცხადებაში წერია, გამომდინარე იქიდან, თუ რა სფეროში მოღვაწეობენ, სურდათ მათი ეს გადაწყვეტილება გარკვეულ ეტაპამდე არ გახმაურებულიყო.

"ეს გადაწყვეტილება, რომელიც გასული წლის ბოლოს მივიღეთ, იყო ორმხრივი და სიყვარულით მიღებული. ჩვენ ვართ საუკეთესო მეგობრები, რომლებმაც გადაწყვიტეს, რომ ყოფილიყვნენ წყვილი, მაგრამ ახლა და მომავალში კვლავ გავაგრძელებთ როგორც მხოლოდ მეგობრები და სათუთად მოვუფრთხილდებით ამას. გამომდინარე იქიდან, რომ ვიცით ტაბლოიდები ამ თემაზე სხვადასხვა ისტორიებს მოიგონებენ, გვინდა აქვე განვაცხადოთ, რომ ყველაფერი მათი გამოგონილია და საერთო არაფერი აქვს რეალობასთან. ჩვენ ერთმანეთსს პატივს ვცემთ და ძალიან გვიყვარს", - ეწერა ენისტონისა და ტერუს განცხადებაში.

მათი დაშორების შემდეგ, ამერიკული პრესა გამუდმებით მსჯელობს რა გახდა წყვილის ურთიერტობის დაშორების მიზეზი. განსაკუთრებით აქტიურობს ყვითელი პრესა, რომელიც აქტიურად ამტკიცებს, რომ ჯასტინ ტერუმ ჯენიფერს ბრედ პიტის გამოგზავნილი წერილები უპოვა.

"ჯასტინმა ჯენიფერს ძველი წერილები უპოვა, რომელიც ბრედ მისთვის ჰქონდა მოწერილი, რომელიც ჯენიფერის მისამართით გამოთქმილი კომპილემნტებით იყო სავსე, მაგალითად იქ ეწერა "დღეს კარგად გამოიყურებოდი", "უკვე მენატრები" და ა.შ.", - ყვება გამოცემის წყარო.

შეგახსენებთ, რომ ბრედი და ჯენიფერი ერთმანეთს 2005 წელს დაშორდნენ, მას შემდეგ რაც ცნობილი გახდა რომ პიტი ჯენიფერ ენისტონს ანჯელინა ჯოლისთან ღალატობდა.