გერმანიის ქრისტიან-დემოკრატიულ საარჩევნო ბლოკსა და სოციალ-დემოკრატებს შორის სამთავრობო კოალიციის შექმნაზე მოლაპარაკებები წარმატებით დასრულდა. ინფორმაციას ამის შესახებ BBC ავრცელბს. ქვეყნის მომავალ მთავრობას ეს ორი პარტია ჩამოაყალიბებს.

7 თებერვალს, დასრულდა სამთავრობო კოალიციის შესახებ მოლაპარაკებების კიდევ ერთი რაუნდი კონსერვატორებსა და სოციალ-დემოკრატებს შორის. შეხვედრის დასრულების შემდეგ მოქმედმა კანცლერმა, ანგელა მერკელმა და სოციალ-დემოკრატების ლიდერმა, მარტინ შულცმა განაცხადეს, რომ კოალიციური შეთანხმება მიღწეულია. შეხვედრა 20 საათი გრძელდებოდა.

მხარეებს ჯერჯერობით მთავრობის ზუსტი შემადგენლობა არ დაუსახელებიათ, თუმცა გერმანული პრესაში არსებული ინფორმაციით, მინისტრა კაბინეტი უკვე დაკომპლექტებულია.

მოლაპარაკებები სამთავრობო კოალიციის შესახებ საპარლამენტო არჩევნების დასრულებისთანავე, გასული წლის ოქტომბერში დაიწყო. მიმდინარე მოლაპარაკებები გერმანიის ისტორიაში ყველაზე ხანგძლივი იყო. საშუალოდ, მეორე მსოფლიო ომის შემდგომ, გერმანიაში სახელისუფლებო კოალიიცის შექმნას 45-55 დღე სჭირდებოდა.

დღევანდელი მდგომარეობით კი, ჯერ კიდევ მოქმედებს მინისტრთა კაბინეტი, რომელიც საპარლამენტო არჩევნების შემდეგ უნდა დაშლილიყო. მოქმედი მინისტრთა კაბინეტეის სამუშაო ვადა 4 თვის წინ დასრულდა, თუმცა რადგან ვერ მოხერხდა ახალი კაბინეტის ფორმირება, მთავრობა იგივე შემადგენლობით აგრძელებს მუშაობას.

არჩევნების დასრულებიდან მალევე, ქრისტიან დემოკრატიულმა ბლოკმა დაიწყო მოლაპარაკებები, ლიბერალ-დემოკრატიულ პარტიასთან და მწვანეებთან, თუმცა მხარეებმა ვერ მოახერხეს პოზიციების შეჯერება. ამის შემდეგ მიიღეს გადაწყვეტილება დაწყებულიყო მოლაპარაკებები სოციალ-დემოკრატიულ პარტიასთან. კოალიციას კონსერვატორებსა და სოციალ-დემოკრატებს შორის დიდ კოალიციას უწოდებენ. სწორედ ასეთი კოალიცია მართავდა გერმანიას 2013 წლის საპარლამენტო არჩევნების შემდეგაც.

მიღწეული შეთანხმება სოციალ-დემოკრატიული პარტიის წევრებმა უნდა დაამტკიცონ დიდი ალბათობით. მხარდაჭერის შემდეგ ახალი მინისტრთა კაბინეტი მუშაობს მარტში შეუდგება. წინა არჩევნების შემდეგ დამტკიცების პროცესს სულ სამი დღე დასჭირდა.

გერმანულ პრესაში გავრცელებული ინფორმაციის მიხედვით, 15 სამინისტრო პოსტი შემდეგნაირად გადანაწილდება: 6 ქრისტიან-დემოკრატი, 6 სოციალ-დემოკრატი, 3 ქრისტიან-დემოკრატიული კავშირი, რომელიც ქრისტიან-დემოკრატების საარჩევნო ბლოკში შედის. მოვლენების ამგვარი განვითარება ხელსაყრელია სოციალ-დემოკრატიული პარტიისთვის. პარტიამ 2017 წლის არჩევნებზე ხმების რეკორდულად დაბალი რაოდენობა 20,5 პროცენტი მიიღო.

დიდი ალბათობით, საგერეო საქმეთა მინისტრის პოსტს სოციალ-დემოკრატების ლიდერი მარტინ შულცი დაიკავებს, რომელიც ერთიანი ევროპული ოჯახის ქომაგად მოიაზრება. შულცი, ასევე, ხისტ პოზიციას იკავებს რუსეთთან დაკავშირებით და სანქციების მოხსნას მხოლოდ მინსკის შეთანხმების სრულად შესრულების შემდეგ განიხილავს. კანცლერის პოზიციას უკვე ზედიზედ მეოთხედ და რეკორდული ვადით ისევ ანგელა მერკელი დაიკავებს.