ლანა დელ რეის მსმენელს, რომელიც უკვე დიდი ხანია ელოდება მომღერლის ახალ ალბომს, დღეს სასიამოვნო სიახლე დახვდათ — მან მუსიკალურ პლატფორმებზე განათავსა სიმღერა Henry, Come On. სიმღერა მისი მეათე სტუდიური ალბომის, The Right Person Will Stay, პირველი ნამუშევარია, რომლის გამოსვლაც 21 მაისსაა დაგეგმილი.

ლანა დელ რეიმ სინგლის გამოსვლა ჯერ კიდევ 2024 წლის იანვარში დააანონსა ინსტაგრამზე გამოქვეყნებული აუდიო ფრაგმენტით. ხუთშაბათს დელ რეიმ ალბომის ქავერიც გაავრცელა — მასზე თეთრ, მაქმანებიან კაბაში გამოწყობილი ლანაა გამოსახული, ხოლო ზედა მარცხენა კუთხეში წერია სიმღერის სახელი — Henry, Come On. პოსტი წარწერის გარეშე იყო განთავსებული, თუმცა დელ რეიმ მონიშნა პროექტზე მომუშავე კოლაბორატორები: ლუკ ლეირდი, დრიუ ერიქსონი და დინ რიდი, ფოტოგრაფი ნილ კრუგი, ვიზაჟისტი ტაირონ მაჰაუსენი და თმის სტილისტი ანა კოფოუნი.

ალბომი The Right Person Will Stay პირველად გასული წლის ნოემბერში დაანონსდა, როცა დელ რეიმ ინსტაგრამზე დაწერა:

„უსაზღვროდ მადლიერი ვარ, რომ ჩემი 13 სიმღერა ასე მშვენივრად შეიკრა — ლუკთან, ჯეკთან, ზაკთან, დრიუსთან და სხვებთან ერთად მუშაობის პროცესში. მიხარია, რომ Stagecoach-ის ფესტივალამდე რამდენიმე კომპოზიციას მოისმენთ, დაწყებული ჰენრით. ყოველთვის თქვენი, ლანა.“

სიმღერის მოსმენას ამ ბმულებზე შეძლებთ:

იხილეთ ასევე: