კოალიცია ცვლილებისთვის ერთ-ერთი ლიდერი ზურა ჯაფარიძე სოციალურ ქსელში წერს, რომ პროკურატურაში დაიბარეს.

"ახლა "პროკურატურა" მიბარებს, წულუკიანთან რატომ არ მიხვედიო, მერე "სასამართლო" დამიბარებს, პროკურატურაში რატომ არ მიხვედიო?", — წერს ჯაფარიძე სოციალურ ქსელში.

შეგახსენებთ, რომ ნაციონალურის მოძრაობის ხელისუფლების საქმიანობის შემსწავლელმა პარლამენტის დროებითმა საგამოძიებო კომისიამ, კომისიაზე არგამოცხადების გამო, ნიკა გვარამიასთან, ზურაბ ჯაფარიძესა და გივი თარგამაძესთან დაკავშირებით პროკურატურას უკვე მიმართა.

კომისიამ გამოკითხვაზე უკვე დაიბარა: კოალიცია ძლიერი საქართველოს ლიდერები: მამუკა ხაზარაძე და ბადრი ჯაფარიძე. ასევე ყოფილი თავდაცვის მინისტრი ირაკლი ოქრუაშვილი. არც ერთი მათგანი კომისიაზე არ გამოცხადებულა. ხაზარაძეს და ჯაფარიძეს სასამართლომ 50-50 000 ლარიანი გირაოს გადახდა დააკისრა, ირაკლი ოქრუაშვილს კი საქმის წარმოების დასრულებამდე საქართველოს საზღვრის კვეთა აეკრძალა და 20 000 ლარიანი გირაოს გადახდა დააკისრეს.

საგამოძიებო კომისიის თავმჯდომარე, თეა წულუკიანმა 10 იანვრის სხდომაზე განაცხადა, რომ კომისიაზე 20 ივნისის საქმეზე პარტია გახარია საქართველოსთვის ლიდერს, გიორგი გახარიასაც იბარებენ.