ოქროს გლობუსზე მიღწეული წარმატების შემდეგ, სადაც ფილმმა The Shape of Water ორი ოქროს გლობუსი მიიღო, გილერმო დელ ტოროს კინოსურათი ტემპს არ აგდებს და მორიგ წარმატებას აღნიშნავს, 2018 წლის ოსკარზე ის 13 ნომინაციით იქნება წარმოდგენილი.

გარდა იმისა, რომ ოქტავია სპენსერმა, სალი ჰოუკინსმა და რიჩარდ ჯენკინსმა საუკეთესო ქალი და კაცი მსახიობის ნომინაციები მიიღეს, წყლის ფორმა კი წლის საუკეთესო ფილმის ტიტულისთვის იბრძოლებს, თავად რეჟისორი გილერმო დელ ტორო საუკეთესო რეჟისორის ტიტულის მოსაპოვებლად კრისტოფერ ნოლანსა და გრეტა გერვიგს გაუწევს კონკურენციას.

The Shape of Water ასევე ნომინირებულია საუკეთესო ორიგინალური სცენარის, საუკეთესო მუსიკის, მხატვრობის, კოსტიუმების, ოპერატორული ნამუშევრის, მონტაჟის და სხვა კატეგორიებში.

ახლახან, კინოკრიტიკოსებისა და მაყურებლების საყვარელი რეჟისორი, გილი~ერმო დელ ტორო პლაგიატში დაადანაშაულეს. ბრალდება მექსიკელ რეჟისორს პულიცერის პრემიის ლაურეატის პოლ ზინდერის შვილმა დევიდ ზინდერმა წაუყენა.

დევიდ ზინდერი ამტკიცებს, რომ რეჟისორმა The Shape of Water-ის სიუჟეტი მამამისის მიერ, დაწერილი პიესიდან Let Me Hear You Whisper მოიპარა.

ზინდერის ნაწარმოები კვლევით ლაბორატორიაში მომუშავე დამლაგებელზე მოგვითხრობს, რომელიც ლაბორატორიაში გამოკეტილ დელფინზე ზრუნავს და მას შემდეგ რაც ლაბორატორიის თანამშრომლები ძუძუმწოვარზე კვლევებს დაიწყებენ, ის მის გადარჩენას ცდილობს.

Let Me Hear You Whisper-ის მიხედვით 1969 წელს ფილმიც გადაიღეს.

თავად შეგიძლიათ შეადაროთ ჰგავს თუ არა ეს ორი ფილმი ერთმანეთს: