ეროვნულ-დემოკრატიული მოძრაობის ლიდერს, დავით შუკაკიძეს თავს დაესხნენ. ინფორმაციას შინაგან საქმეთა სამინისტროში ადასტურებენ.

შუკაკიძეს მიაჩნია, რომ მას პოლიტიკური ნიშნით გაუსწორდნენ. რუსთავი 2-თან საუბარში ის აცხადებს, რომ ორი ნიღბიანი პირი დაესხა თავს და რკინის ხელჯოხი ჩაარტყეს თავში.

საქმეზე გამოძიება 126-ე მუხლის, პირველი პრიმა ნაწილის "ბ" ქვეპუნქტით, ჯგუფურად ცემის მუხლით დაიწყო, რაც ისჯება ჯარიმით ან საზოგადოებისათვის სასარგებლო შრომით ვადით ას ოთხმოციდან ორას ორმოც საათამდე ან თავისუფლების აღკვეთით ვადით ორ წლამდე.