ბასიანის საქმეზე სასამართლოს ორ ინსტანციაში სხვადასხვა გადაწყვეტილებასთან დაკავშირებით უზენაესი სასამართლოს თავმჯდომარემ, ნინო გვენეტაძემ განაცხადა, რომ ინსტანციურობის დონეები იმისთვისაა, რომ სასამართლოს გადაწყვეტილების ცვლილება შესაძლებელი იყო.

მისივე თქმით, საქმესთან დაკავშირებით საზოგადოების კითხვები მნიშვნელოვანია და ეს კითხვები პასუხს მოითხოვს:

"ზოგადად შემიძლია ვთქვა, რომ საზოგადოების ინტერესის შემთხვევაში, შესაძლო გადაცდომების შემთხვევაში, ანგარიშვალდებულების მექანიზმის გამოყენება მათ ხელთაა და ეს მათი უფლებაა".

13 იანვარს კლუბ ბასიანის მიმდებარე ტერიტორიაზე დაპირისპირება მოხდა კლუბის თანამშრომლებსა და თამაზ ქვლივიძეს შორის, რის შედეგადაც დაჭრილია კლუბის ორი თანამშრომელი და დიდუბე-ჩუღურეთის შინაგან საქმეთა სამმართველოს მეოთხე განყოფილების უფროსის მოადგილე.

თბილისის საქალაქო სასამართლომ ორი პირის დაჭრის და პოლიციელისათვის წინააღმდეგობის გაწევის დანაშაულებში ბრალდებულს, აღკვეთის ღონისძიების სახით, 30 000 ლარის ოდენობით გირაო შეუფარდა.

შემდგომში თბილისის სააპელაციო სასამართლომ სააპელაციო სასამართლომ პროკურატურის მოთხოვნა დააკმაყოფილა და ბრალდებულის მიმართ გამოყენებული გირაო პატიმრობით შეცვალა.