აშშ-ის თავდაცვის მდივანმა, ჯეიმს მეტისმა 2018 წლის ქვეყნის ეროვნული უსაფრთხოების სტრატეგია წარადგინა. დოკუმენტის მიხედვით, აშშ-ისთვის მთავარ საფრთხეს ტერორიზმი აღარ წარმოადგენს.

მეტისის თქმით, ეროვნული უსაფრთხოების მთავარი საკითხი ძალაუფლების მქონე დიდ ქვეყნებს შორის არსებული კონკურენციაა. სტრატეგიის წარდგენინას მეტისმა აღნიშნა, რომ აშშ-ის კონკურენტები რუსეთი, ჩინეთი, ჩრდილო კორეა და ირანი არიან.

დოკუმენტში ნათქვამია, რომ ჩინეთი სტრატეგიული კონკურენტია, რომელიც მეზობლების მიმართ მტაცებლურეკონომიკურ სტრატეგიას იყენებს, ხოლო რუსეთი მეზობელი ქვეყნების საზღვრებს არღვევს.

"რუსეთი ვეტოს უფლებას თავის სასარგებლოდ მეზობელი ქვეყნების სამთავრობო, ეკონომიკურ და დოპლიმატიურ გადაწყვეტილებებში, ჩრდილოატლანტიკური ალიანსის შესარყევად, ევროპისა და ახლოაღმოსავლეთის უსაფრთხოებისა და ეკონომიკური სტრუქტურების ესასცვლელად იყენებს. საქართველოში, ყირიმსა და აღმოსავლეთ უკრაინაში დემოკრატიის პროცესის შესარყევად ახალი ტექნოლოგიების გამოყენება საკმარისია ამის დასადასტურებლად. მაგრამ, როდესაც ამას ბირთვული იარაღის მოდერნიზაცია და გაფართოებ ემატება, საფრთხე უფრო ნათელია".

დოკუმენტში, ასევე, ნახსენებია, რომ გაეროს სანქციების მიუხედავად ჩრდილოეთ კორეა აგრძელებს თავის რიტორიკას, ხოლო ირანი აგრძელებს ძალადობისდათესვას და ახლო აღმოსავლეთში სტაბილურობის მთავარ გამოწვევად რჩება.