ეროვნულ-დემოკრატიული ინსტიტუტის უახლესი კვლევის თანახმად, მოსახლეობის 44%-45% ეთანხმება მოსაზრებას, რომ საქართველოში არსებობს აშშ-დან და ევროკავშირიდან მომავალი პროპაგანდა. რუსული პროპაგანდის არსებობას კი გამოკითხულთა 53% ეთანხმება.

მნიშვნელოვანია, რომ რესპოდენტებს განუმარტეს, რომ პროპაგანდა არის დამახინჯებული ან შეცდომაში შემყვანი ინფორმაციის გავრცელება, რომლის მიზანია რომელიმე ქვეყნის დადებითი იმიჯის შექმნა, მისი ქმედებების გამართლება და დაპირისპირებული ქვეყნების მიმართ უარყოფითი დამოკიდებულების დანერგვა.

ფოტო: NDI

გამოკითხულთა 41%, ასევე, მიიჩნევს, რომ დასავლური მედია საქართველოში დეზინფორმაციას ავრცელებს. რუსული მედიის მიერ საქართველოში დეზინფორმაციის გავრცელებას კი 44% ეთანხმება.

UK aid-ის ფინანსური ხელშეწყობით კვლევა NDI-ის დაკვეთით CRRC საქართველომ ჩაატარა. წარმომადგენლობითი შერჩევით (ოკუპირებული ტერიტორიების გარდა) კვლევა 29 ნოემბრიდან 19 დეკემბრამდე პერიოდში ჩატარდა, პირისპირ ინტერვიუთი გამოიკითხა 2 298 ადამიანი (გამოპასუხება 48%). კვლევაში მონაწილე პირები შემთხვევითი შერჩევის მეთოდით შეირჩნენ, ცდომილება კი - 1,9 პროცენტია.