თბილისის მერიაში ურბანული განვითარების სამსახური იქმნება. ახალი სამსახურის შექმნის შესახებ დღეს, 15 იანვარს, გახდა ცნობილი.

ურბანული განვითარების მიმართულება არქიტექტურის სამსახურის ფუნქციებისგან გაიმიჯნება და მუნიციპალურ პოლიტიკას შეიმუშავებს, გაატარებს.

თბილისის ვიცე-მერის, ირაკლი ხმალაძის თქმით, ურბანული განვითარების სამსახურის გადაწყვეტილებები ქალაქის სატრანსპორტო პოლიტიკასთან და გარემოს დაცვასთან თანხვედრაში იქნება.

"ეს იმისთვის, რომ მომდევნო ეტაპებზე მიღებული გადაწყვეტილებები იყოს იმთავითვე დამუშავებული და გააზრებული როგორც გარემოს დაცვის, ისე ტრანსპორტის განვითარების მიმართულებით", - აღნიშნა ირაკლი ხმალაძემ.