ბრიტანული როკ-ბენდი რედიოჰედი ამერიკელ მუსიკოსს ლანა დელ რეის მის ახალ ალბომში შესული ახალი სიმღერის გამო სასამართლოში უჩივის.

რედიოჰედი მიიჩნევს, რომ ლანას ახალ ალბომ Lust For Life-ში შესული სიმღერა Get Free ჯგუფის 1992 წლის სიმღერა Creep-ის მსგავსია. გავრცელებული ინფორმაცია ლანა დელ რეიმ ტვიტერზე დაადასტურა.

"სარჩელზე გავრცელებული ინფორმაცია სიმართლეა. ამასთან ერთად, მე ვიცი, რომ ჩემი სიმღერის ინსპირაცია Creep არ ყოფილა. რედიოჰედი ფიქრობს, რომ ეს ასეა და სურს, რომ გამოცემის 100% მათ მიიღონ. მე ბოლო თვეების განმავლობაში მათ 40%-ს ვთავაზობდი, მაგრამ ისინი ამბობენ, რომ მხოლოდ 100%-ს მიიღებენ. მათი ადვოკატები უკან არაფერზე იხევენ, ამიტომ სასამართლოში შევხვდებით" - წერს ამერიკელი მომღერალი ტვიტერზე.

აღნიშნულთან დაკავშირებით, რედიოჰედის წარმომადგენლები ამერიკულ გამოცემა პიჩფორკთან კომენტარს არ აკეთებენ.

აღსანიშნავია, რომ Creep-ის გამოსვლის შემდეგ, ინგლისური ბენდ Hollies-ის 1974 წლის The Air That I Breathe-ის მსგავსების გამო უჩივლეს, რომელიც ალბერტ ჰემონდისა და მაიკ ჰაზლევუდის დაწერილია. სასამართლოს გადაწყვეტილებით, Creep-ის ავტორებად აღნიშნული პირებიც დაემატნენ.

განახლება: Radiohead უარყოფს, რომ ლანა დელ რეის სასამართლოში უჩივის