დღეს, 19 დეკემბერს კულტურის სამინისტროში IX თეატრალური პრემია დურუჯის დაჯილდოების ცერემონია გაიმართა.

გამარჯვბეულები გამოვლინდნენ შემდეგ ნომინაციებში:

  • საუკეთესო სარეჟისორო ნამუშევარი - დავით დოიაშვილი, სპექტაკლი - ბალიშის კაცუნა, ვასო აბაშიძის სახელობის თბილისის მუსიკისა და დრამის თეატრი;
  • საუკეთესო მსახიობი კაცი - კახა კინწურაშვილი, სპექტაკლი - ბალიშის კაცუნა, ვასო აბაშიძის სახელობის თბილისის მუსიკისა და დრამის თეატრი;
  • საუკეთესო მსახიობი ქალი - ნატუკა კახიძე, სპექტაკლი - კატარინა ბლუმის შელახული ღირსება, მარჯანიშვილის თეატრი;
  • საუკეთესო სცენოგრაფი - თამარ ოხიკიანი, სპექტაკლი ორკესტრის ტიტანიკი, ფოთის, ვალერიან გუნიას სახელობის სახელმწფო დრამატული თეატრი;
  • საუკეთესო თანამედროვე პიესის ავტორი - თამთა მელაშვილი, გათვლა.

დურუჯი პირველი დამოუკიდებელი თეატრალური პრემიაა, რომელიც საქველმოქმედო ფონდ ცისკარისა და რედიქს ჯგუფის ორგანიზებით, უკვე, მეცხრედ ჩატარდა.

2017 წელს, ჯამში, 18 თეატრის 33 განაცხადი იქნა შემოტანილი. ხუთი წევრისგან დაკომპლექტებული ჟიური, ნომინირებულ სპექტაკლებს 3 თვის განმავლობაში აფასებდა, რის შედეგადაც შეირჩა მეორე ტურში მონაწილე 23 ნომინანტი. დაჯილდოების დღეს, ღონისძიებამდე რამდენიმე საათით ადრე, ჩატარდა ფარული კენჭისყრა ჟიურის წევრებს შორის, რომლებმაც საბოლოო გამარჯვებულები გამოავლინეს.