საქართველოს პრემიერ-მინისტრმა, გიორგი კვირიკაშვილმა განაცხადა, რომ მსოფლიოს მსგავსად საქართველოც იბრძვის ჰიბრიდულ საფრთხეებთან და პროპაგანდასთან. თბილისის საერთაშორისო კონფერენციაზე მან საქართველოს ოკუპირებულ ტერიტორიებზე მოქალაქეების უფლებების დარღვევაზეც ისაუბრა.

"კვლავ მძიმეა ოკუპირებულ ტერიტორიებზე უსაფრთხოების კუთხით არსებული ვითარება და ამავდროულად, მასობრივად ირღვევა ოკუპირებულ ტერიტორიებზე მცხოვრები ჩვენი მოქალაქეების უფლებები. ამასთან ერთად, საქართველოსაც აქტიურად უწევს თანამედროვე მსოფლიოს ისეთ გამოწვევებთან ბრძოლა, როგორიც არის ჰიბრიდული საფრთხეები და პროპაგანდა. ამ ყველაფერს მხოლოდ და მხოლოდ საერთაშორისო საზოგადოების კონსოლიდაცია და მეტი ჩართულობა შეიძლება დავუპირისპიროთ," - განაცხადა პრემიერმა.

კონფერენციას "ევროკავშირი და პარტნიორები - მრავალფეროვნება ძლიერი ერთობისთვის" 20-მდე ქვეყნის წარმომადგენლები ესწრებიან.