ბრიტანეთის პრემიერი დევიდ კამერონი, თემთა პალატაში სიტყვით გამოვიდა და რეფერენდუმის შედეგების შესახებ განცხადება გააკეთა:

"შედეგი არ იყო ის, რაც მე მინდოდა, მაგრამ მასში ეჭვი არ მეპარებოდა"- ამბობს პრემიერი და ამატებს, რომ მისთვის ხალხის გადაწყვეტილება მისაღებია და მისი განხორციელების პროცესი უკვე უნდა დაიწყოს.

პრემიერ მინისტრი ასევე აცხადებს, რომ იგი "ფუნდამენტურ პასუხისმგებლობას" გრძნობს და გმობს იმ შეურაცხყოფას, რაც მიგრანტების მიმართ იყო გამოვლენილი შედეგების გამოცხადების შემდეგ:

"ჩვენ ვგმობთ სიძულვილით მოტივირებულ დანაშაულს".

დევიდ კამერონი ასევე გარანტიას აძლევს იმ ევროკავშირის მოქალაქეებს, რომლებიც ბრიტანეთში ცხოვრობენ და ამბობს, რომ მათთვის ამ ეტაპზე არაფერი შეიცვლება.

საბოლოო სიტყვაში, კამერონმა თქვა, რომ ბრექსითის განხორციელებისას ბრიტანეთი ბევრ გამოწვევას იღებს. მისი თქმით, საჭიროა ისეთი ხედვა რაც მსოფლიოს პატივისცემას მოაპოვებინებს, ლოკალურად კი ტოლერანტული დარჩება. ამასთან, უსაფრთხოებისა და კეთილდღეობისათვის, საჭიროა საერთაშორისო პარტნიორებთან მუშაობა.