შინაგან საქმეთა სამინისტროს ინფორმაციით, ჩეხი ტურისტის გაუპატიურების ბრალდებით 1 პირია დაკავებული.

"გამოძიება სისხლის სამართლის კოდექსის 137–ე მუხლის პირველი ნაწილით მიმდინარეობს, რაც გაუპატიურებას გულისხმობს. ამ ეტაპზე მიმდინარეობს საგამოძიებო მოქმედებები. ჩატარებულია შესაბამისი ექსპერტიზები" - უთხრა On.ge-ს შს სამინისტროს პრესსამსახურმა.

პრესსამსახურის ინფორმაციით, ექსპერტიზის შედეგები ცნობილი ჯერ არაა. გამოძიებამ დაზარალებული უკვე დაკითხა.

ბრალის დამტკიცების შემთხვევაში დაკავებულ პირს 4-დან 6 წლამდე თავისუფლების აღკვეთა ემუქრება.