6 თვის მონაცემებით, ევროკავშირში უვიზო მიმოსვლით, დაახლოებით, 90 ათასმა მოქალაქემ ისარგებლა. ამის შესახებ ევროკავშირის ელჩმა საქართველოში, იანოშ ჰერმანმა განაცხადა.

ჰერმანის თქმით, საზღვრის გადაკვეთაზე უარი მხოლოდ 230 მოქალაქეს ეთქვა, თავშესაფარზე მოთხოვნა კი მნიშვნელოვნად არ შეცვლილა.

საქართველოს მოქალაქეებისთვის შენგენის ზონის ქვეყნებში უვიზო მიმოსვლა 28 მარტს ამოქმედდა. ქართული ბიომეტრიული პასპორტის მფლობელებს ყოველ 180 დღეში 90 დღე მიყოლებით ან გადანაწილებით უვიზოდ ესტუმრონ შენგენის ზონის ქვეყნებს.