საქართველოში აშშ-ს საელჩო აშშ-ში უკანონო შესვლასთან და დოკუმენტების გაყალბებასთან დაკავშირებით პროკურატურის მიერ გავრცელებულ განცხადებას ეხმაურება და პლატფორმა X-ზე წერს, რომ ეს "აშშ-სა და საქართველოს შორის სამართალდამცავი ორგანოების მხრიდან რამდენიმეთვიანი მჭიდრო თანამშრომლობის შედეგია".

"მივესალმებით საქართველოს პროკურატურის განცხადებას საქართველოს მოქალაქეების მოტყუების ბრალდებით რამდენიმე პირის დაკავების შესახებ, რომელიც დაკავშირებულია აშშ-ში უკანონო შესვლასთან და დოკუმენტების გაყალბებასთან. ეს არის აშშ-სა და საქართველოს შორის სამართალდამცავი ორგანოების მხრიდან რამდენიმეთვიანი მჭიდრო თანამშრომლობის შედეგი. მადლობას ვუხდით პოლიციის დეპარტამენტს, გამოძიებასა და ოპერაციაში ჩართულ ქართველ სამართალდამცავ ორგანოებს", — წერია გავრცელებულ ინფორმაციაში.

შეგახსენებთ, რომ გუშინ, 2 ივნისს საქართველოს პროკურატურამ გაავრცელა ინფორმაცია იმის შესახებ, რომ აშშ-ში უკანონო შესვლასთან და დოკუმენტების გაყალბებასთან დაკავშირებით 3 პირი დააკავეს.