არიანა გრანდემ ახალი სიმღერა — Hate That I Made You Love Me — გამოუშვა. კომპოზიცია, რომელიც არიანას მომავალი ალბომის, Petal-ის, პირველ სინგლს წარმოადგენს, გრანდემ, მაქს მარტინმა და ილია სალმანზადემ შექმნეს.

მოისმინეთ სიმღერა:

არიანას მე-8 სტუდიური ალბომი 31 ივლისს გამოდის. Petal გრანდესა და შვედი პროდიუსერის, ილია სალმანზადეს ერთობლივი ნამუშევარია. მომღერლის თქმით, ალბომი არის "სიცოცხლით სავსე, რომელიც ცივ და რთულ დაბრკოლებებში იკაფავს გზას".

ფოტო: Getty Images.

Petal არიანას სცენაზე დაბრუნებას მოჰყვება — ივნისში 6 წლის შემდეგ მომღერლის პირველი ტურნე იწყება. ის სათავეს 2026 წლის 6 ივნისს, ჩრდილოეთ ამერიკაში აიღებს და 23 აგვისტოს ლონდონში ჩატარებული ხუთი კონცერტით დასრულდება.

გასულ წლებში არიანა ეკრანზეც არაერთხელ ვიხილეთ, მათ შორის, აღსანიშნავია მისი მთავარი როლები Wicked-ის ფრენჩაიზში და 2026 წლის ნოემბერში დაგეგმილ Focker-in-Law-ში, რომელიც Meet the Parents-ის ფრენჩაიზის ახალი ნაწილია.