ერევანში, ევროპის პოლიტიკური საზოგადოების (EPC) სამიტის ფარგლებში, უკრაინის საგარეო საქმეთა მინისტრმა, ანდრიი სიბიჰამ, საგარეო უწყების ხელმძღვანელ მაკა ბოჭორიშვილთან შეხვედრა გამართა. ამის შესახებ ინფორმაციას ანდრიი სიბიჰა პლატფორმა X-ზე ავრცელებს.

როგორც ის განცხადებაში წერს, შეხვედრისას მხარეებმა განიხილეს ორმხრივი, რეგიონული და საერთაშორისო მნიშვნელობის საკითხები. საუბარი ასევე შეეხო საქართველოს ევროპულ ინტეგრაციასა და ევროკავშირის როლს გლობალურ პროცესებში.

სიბიჰას თქმით, განსაკუთრებული ყურადღება დაეთმო ურთიერთსასარგებლო ვაჭრობისა და ეკონომიკური თანამშრომლობის გაფართოებას.

"ერევანში, ევროპის პოლიტიკური საზოგადოების სამიტის ფარგლებში, გავმართე მოკლე შეხვედრა ჩემს ქართველ კოლეგასთან, საგარეო საქმეთა მინისტრ მაკა ბოჭორიშვილთან.

გავცვალეთ მოსაზრებები ორმხრივ, რეგიონულ და საერთაშორისო განვითარების სხვადასხვა საკითხზე. ასევე განვიხილეთ ევროპული ინტეგრაცია და ევროკავშირის მნიშვნელოვანი როლი გლობალურ საქმეებში.

ცალკე ყურადღება გავამახვილეთ ურთიერთსასარგებლო ვაჭრობისა და ეკონომიკური თანამშრომლობის გაფართოებაზე.

შევთანხმდით, რომ მომავალშიც გავაგრძელებთ კონტაქტს," — ნათქვამია განცხადებაში.

ცნობისთვის, მსოფლიო ლიდერები კვირას სომხეთში, ერევანში ევროპული პოლიტიკური გაერთიანების მე-8 სამიტზე დასასწრებად ჩავიდნენ. შეხვედრის დევიზია "მომავლის შენება: ერთიანობა და სტაბილურობა ევროპაში" იმართება.

48 ქვეყნის ლიდერი, მათ შორის ევროკავშირის 27 წევრი ქვეყნის წარმომადგენელი, 4 მაისს, შეიკრიბება, რათა მნიშვნელოვანი პოლიტიკური საკითხები განიხილონ.