ტელეკომპანია რუსთავი 2-მა ეგზიტპოლის საბოლოო შედეგები გამოაქვეყნა. შედეგები, წინასწარი მონაცემებისგან, თითქმის არ განსხვავდება. ამ კვლევის მიხედვით, თბილისის მერის არჩევნებში ქართული ოცნების მერობის კანდიდატმა, კახა კალაძემ 54% პროცენტი მიიღო.

რაც შეეხება მეორე ადგილზე გასულს, რუსთავი 2-ის ეგზიტპოლის მიხედვით, მეორე ადგილზე გავიდა ზალიკო უდუმაშვილი და მას აქვს 16%, ალეკო ელისაშვილს კი - 15%.

თუ ცესკო-ს შედეგები რუსთავი 2-ის ეგზიტპოლის მსგავსი იქნება, მეორე ტური არ გაიმართება. ეგზიტპოლი არის მხოლოდ და მხოლოდ ამომრჩევლის გამოკითხვა სოციოლოგიური მეთოდით და შეიძლება, განსხვავდებოდეს საბოლოო შედეგისგან.

აღნიშნული შედეგები მთელი საარჩევნო დღის განმავლობაში ჩატარებული კვლევის შედეგებს ასახავს.

სხვა კანდიდატების შედეგები ასე გამოიყურება:

  • ელენე ხოშტარია - 7%;
  • ირმა ინაშვილი - 3%;
  • კახა კუკავა - 2%;
  • გიორგი ვაშაძე - 2%;
  • გიორგი გუგავა -1%.

პარტიების შედეგი

რუსთავი 2-ის დაკვეთით ჩატარებული ეგზიტპოლი ასევე აჩვენებს, თუ რა შედეგი მიიღეს პარტიებმა საკრებულოში მოსახვედრად:

  • ქართული ოცნება - 58%;
  • ენმ - 17%;
  • ევროპული საქართველო - 9%;
  • პატრიოტთა ალიანსი - 5%.

ეგზიტპოლის მიხედვით, სხვა პარტიებმა საარჩევნოდ დაწესებული ოთხპროცენტიანი ბარიერი ვერ გადალახეს.

ქუთაისის მერობის კანდიდატები

  • გიორგი ჭიღვარია - ქართული ოცნება - 52%;
  • გრიგოლ ვაშაძე - ენმ - 26%;
  • დავით გოგისვანიძე - ევროპული საქართველო - 8%;
  • გიორგი წულაია - დემოკრატიული მოძრაობა - 7%;
  • გრიგოლ ბახტაძე - პატრიოტთა ალიანსი - 3%;
  • სამსონ გუგავა - ლეიბორისტული პარტია - 2%;
  • ზვიად ბაღდავაძე - ახალი საქართველო 1%.

ამ შემთხვევაში, ცდომილების ზღვარი 3 პროცენტია.

ქუთაისის საკრებულო

  • ქართული ოცნება - 52%;
  • ენმ - 22%;
  • ევროპული საქართველო - 10%;
  • დემოკრატიული მოძრაობა - 3%.

კვლევის მეთოდოლოგია

ტელეკომპანია რუსთავი 2-ის დაკვეთით კვლევა დღეს, 21 ოქტომბერს ედისონ რისერჩმა საფასურის სანაცვლოდ ჩაატარა, თუმცა რესპონდენტები არ იხდიან ფულს და გამოკითხვა ამ ნაწილში უფასოა. კვლევის ცდომილება თბილისისთვის 3 პროცენტია.

რესპონდენტები კვლევისთვის პირისპირი გამოკითხვის მეთოდით, თვითადმინისტრირებული კითხვარით გამოიკითხნენ ქუთაისსა (კითხვარი) და თბილისში (კითხვარი).