ირაკლი კობახიძის და მაკა ბოჭორიშვილის შემდეგ, შალვა პაპუაშვილმა კიდევ ერთხელ გააკრიტიკა გერმანიის საგარეო უწყება იმის გამო, რომ მეორე წელია მათ ვებგვედზე საქართველოს პრეზიდენტად კვლავ სალომე ზურაბიშვილია მითითებული და საგარეო საქმეთა მინისტრად ილია დარჩიაშვილი.

"გერმანიის მთავრობა თავის ქცევით აჩვენებს, რომ ის არ აღიარებს საქართველოს ხელისუფლების იურისდიქციას მთლიანად საქართველოს ტერიტორიაზე, არა მხოლოდ მის ნაწილზე, არამედ მთლიანად საქართველოს ტერიტორიაზე. თუ დავუჯერებთ გერმანიის საგარეო საქმეთა სამინისტროს ვებგვერდს, დღეს, საქართველოს ხელისუფლებას ახორციელებს სალომე ზურაბიშვილი როგორც პრეზიდენტი და ბრიტანეთში საქართველოს ელჩი ილია დარჩიაშვილი. ასე მათი გამრუდებული რეალობა.

აქ სულელი არავინ არ არის, რომ დაიჯეროს, რომ ეს ვებგვერდის ხარვეზია, რომ თვეები გადის შეხსენების, მოთხოვნის მიუხედავად არ იცვლება 2 სახელი და გვარი და ამას რომ განზრახ აკეთებს გერმანიის საგარეო საქმეთა სამინისტროს, როგორც მისი ელჩის დაჟინებული ჩართვით, ეს მე მგონი ეს ფაქტია, და თუ ამას განზრახ აკეთებს გერმანიის საგარეო საქმეთა სამინისტრო, ეს ნიშნავს, რომ განზრახ ხელყოფას საქართველოს სუვერენიტეტს, განზრახ ხელყოფს ქართველი ხალხის ღირსებას, რომ თავად განსაზღვროს ვინ იყოს მისი ხელისუფალი", — თქვა პაპუაშვილმა ბრიფინგზე.

მანამდე, მიმდინარე წლის 13 თებერვალს, შალვა პაპუაშვილმაც გააკრიტიკა გერმანული მხარე და კონკრეტულად ელჩი პეტერ ფიშერი, რომ ეს "ხარვეზი" ამ დრომდე არ გასწორებულა. მისი თქმით, "ეს არ არის რომელიმე ვებ-ადმინისტრატორის ხარვეზი. შეუძლია გერმანიის ელჩს, რომ შეასწოროს".