32 წლის პოპვარსკვლავი ჰარი სტაილსი და 37 წლის მსახიობი ზოი კრავიცი დაინიშნნენ.

ნიშნობის შესახებ ჭორები მას შემდეგ დაიწყო, რაც 19 აპრილს გავრცელებულ ფოტოებში კრავიცი ხელზე დიდი ბეჭდით შენიშნეს.

ფოტო: People

წყვილი საჯაროდ 2025 წლის აგვისტოში გამოჩნდა, როცა რომში ხელიხელგაყრილი შენიშნეს. მალევე გავრცელდა ცნობები იმის შესახებ, რომ მომღერალი და მსახიობი ერთმანეთს ხვდებოდნენ.

მას შემდეგ სტაილსი და კრავიცი არაერთხელ შენიშნეს ლონდონსა და ნიუ-იორკში. ჟურნალი People-ის ცნობების მიხედვით, ზოი რამდენჯერმე ჩავიდა ჰარისთან რომში, სადაც წყვილს თითქმის არავინ აწუხებს და მეგობრებთან ერთად დროის გატარებით, სეირნობითა და მშვიდი ცხოვრებით ტკბებიან.

ფოტო: W Magazine

ფოტო: X

People-მა ასევე აღნიშნა, რომ კრავიცი სტაილსს მომავალ მსოფლიო ტურნეზე — Together, Together-ზე შეუერთდება, რომელიც მაისში დაიწყება და წლის ბოლომდე გაგრძელდება. ტურნე ჰარის მეოთხე სტუდიური ალბომის — Kiss All the Time. Disco, Occasionally. — მხარდასაჭერად გაიმართება.

2025 წლის სექტემბერში ჰარი და ზოი ლენი კრავიცთან, ზოის მამასთან ერთად ლანჩისას დააფიქსირეს.

ფოტო: Metro

გავრცელებული ინფორმაციით, სექტემბერში ზოი ჰარის მხარდასაჭერად ბერლინის მარათონს დაესწრო, რომელშიც მომღერალი იღებდა მონაწილეობას. ოქტომბერში კი წყვილი ხმისჩამწერი სტუდიის დატოვებისას შენიშნეს.

მართალია, ნიშნობის ბეჭდის დიზაინერი ამ დროისთვის უცნობია, თუმცა კრავიცი ხშირად თანამშრომლობს საიუველირო დიზაინერ ჯესიკა მაკკორმაკთან. აღსანიშნავია, რომ მაკკორმაკმა შექმნა ზენდეიას ნიშნობის ბეჭედიც.

ფოტო: Vogue