არასამთავრობო ორგანიზაციები საქართველოს პარლამენტსა და უმრავლესობას - ქართულ ოცნება მოუწოდებენ უზრუნველყონ უფლებადამცველი ორგანიზაციების, უნივერსიტეტებისა და სამოქალაქო საზოგადოების მონაწილეობა სახალხო დამცველის არჩევის პროცესში. ამ შინაარსის განცხადება 13-მა არასამთავრობო ორგანიზაციამ დღეს, 19 ოქტომბერს გაავრცელა.

"მიგვაჩნია, რომ ამ პროცესში განსაკუთრებით მნიშვნელოვანი იქნება დაინტერესებულ პირთა მონაწილეობა. არაერთი დოკუმენტი, მათ შორის, პარლამენტის ღია მმართველობის სამოქმედო გეგმა, ითვალისწინებს სამოქალაქო საზოგადოების აქტიურ მონაწილეობას გადაწყვეტილების მიღების პროცესში. ასეთი დაპირებები კი მნიშვნელობას ისეთი პროცესის დროს იღებს, როგორც სახალხო დამცველის არჩევაა", - ვკითხულობთ განცხადებაში.

განცხადებას ხელს აწერენ:

  1. სამართლიანი არჩევნებისა და დემოკრატიის საერთაშორისო საზოგადოება (ISFED);
  2. საქართველოს ახალგაზრდა იურისტთა ასოციაცია (GYLA);
  3. ფონდი ღია საზოგადოება საქართველო (OSGF);
  4. საერთაშორისო გამჭვირვალობა - საქართველო;
  5. სამოქალაქო განვითარების სააგენტო (Cida);
  6. ინფორმაციის თავისუფლებისა და განვითარების ინსტიტუტი (IDFI);
  7. ეკონომიკური პოლიტიკის კვლევის ცენტრი (EPRC);
  8. ადამიანის უფლებათა სწავლებისა და მონიტორინგის ცენტრი (EMC);
  9. კონსტიტუციის 42-ე მუხლი;
  10. ლიბერალური აკადემია;
  11. მრავალენოვანი საქართველო (PMMG);
  12. ადამიანის უფლებათა ცენტრი;
  13. მრავალენოვანი საქართველო.