"ამ ვიზიტიდან სულ რაღაც ორ დღეში ეუთო-ს წარმომადგენელმა მოამზადა 90-გვერდიანი ანგარიში, რაც თავისთავად ბადებდა ეჭვს, რომ ეს იყო წინასწარ მომზადებული ანგარიში, წინასწარ მომზადებული დოკუმენტი", — განაცხადა მაკა ბოჭორიშვილმა პროსამთავრობო ტელეკომპანია "იმედის" ეთერში ეუთო-ს "მოსკოვის მექანიზმის" ფარგლებში მომზადებულ ანგარიშზე საუბრისას.

"ამ ვიზიტიდან სულ რაღაც ორ დღეში ეუთო-ს წარმომადგენელმა მოამზადა 90-გვერდიანი ანგარიში, რაც თავისთავად ბადებდა ეჭვს, თუ რამდენად შესაძლებელი იყო ფიზიკურად ამხელა მასალის, ამდენი ინფორმაციის გადამუშავება ორ დღეში. რა თქმა უნდა, ეს ბადებდა ეჭვს, რომ ეს იყო წინასწარ მომზადებული დოკუმენტი", — განაცხადა ბოჭორიშვილმა და დასძინა, რომ მათთის ძალიან მარტივი იყო გამოეთვალათ, თუ რა იყო ინტერესი ამ მექანიზმის ამოქმედების უკან".

"მიუხედავად ამისა, ჩვენ ვითანამშრომლეთ ეუთო-ს ექსპერტთან, მივიღეთ საქართველოში, უმაღლეს დონეზე ვუმასპინძლეთ მას, ყველა მოთხოვნილი შეხვედრა გამართა საქართველოს ხელისუფლების წარმომადგენლებთან. მას მიაწოდეს ყველა მოთხოვნილი მასალა, თუ კი რამე შეიძლებოდა მისი ინტერესის სფეროში ყოფილიყო", — განაცხადა ბოჭორიშვილმა.