თბილისის მერის, კახა კალაძეს განცხადებით, ეუთოს წევრი 24 ქვეყნის მიერ მოსკოვის მექანიზმის ფარგლებში გამოქვეყნებულ ანგარიში "სრული ბოდვაა".

"ეს არის სრული ბოდვა. მე მგონი, ყველა კარგად ვხვდებით თუ რატომ დაიწყო ეს ყველაფერი, რა არის ამ ყველაფრის უკან.

ჩვენ გვთხოვენ გავაუქმოთ ოჯახის ღირებულებებისა და არასრულწლოვანის დაცვის კანონი, გვთხოვენ გავაუქმოთ გამჭვირვალობის კანონი, გავაუქმოთ ამერიკული FARA და ვიმოქმედოთ არა ქვეყნის ინტერესებიდან გამომდინარე, არამედ მათი სურვილების შესაბამისად.

წარმოუდგენელია, ჩვენ ბევრჯერ გაგვიკეთებია განცხადება და კიდევ ერთხელ გავიმეორებ: საქართველოს ხელისუფლება იმოქმედებს ისე და ყველაფერს ისე გააკეთებს, რაც სჭირდება პირველ რიგში ჩვენს ქვეყანას და ქართველ ხალხს.
დასრულდა ის დრო, როდესაც გარედან მოდიოდა მითითებები, დავალებები," — განაცხადა კალაძემ.

ეუთოს წევრი 24 ქვეყანა საქართველოში მოსკოვის მექანიზმის ანგარიშის შესახებ ერთობლივ განცხადებას აქვეყნებს და მოუწოდებს საქართველოს, გამოასწოროს დემოკრატიული უკუსვლა და სრულად განახორციელოს 2026 წლის მოსკოვის მექანიზმის რეკომენდაციები.

ანგარიში წარმოადგენს 2024 წლის გაზაფხულიდან საქართველოში განვითარებული მოვლენების დეტალურ და სანდო შეფასებას და სთავაზობს საქართველოს მკაფიო რეკომენდაციებს და "მთავარი დასკვნა ცალსახაა — "მანდატით გათვალისწინებულ პერიოდში საქართველოში დემოკრატიული უკუსვლა მოხდა"