საფრანგეთი ეუთოს 24 წევრის მოწოდებას არ შეერთებია, თუმცა "მოსკოვის მექანიზმის" დასკვნას ვაიმარის სამკუთხედის (საფრანგეთი, გერმანია, პოლონეთი) განცხადებით ეხმაურება.

"დემოკრატიისა და ფუნდამენტური თავისუფლებების შესახებ დამოუკიდებელი ანგარიში ("ეუთოს მოსკოვის მექანიზმის" ფარგლებში) გუშინ წარუდგინა მომხსენებელმა პატრიცია გჟებიკმა ეუთოს მონაწილე სახელმწიფოებს. მან აღიარა საქართველოს ხელისუფლების თანამშრომლობა გამოძიების დროს და მოუწოდა მთავრობას, დაუბრუნდეს ეუთოს ფარგლებში აღებულ ვალდებულებებს.

ამ შემთხვევაში, ვაიმარის სამკუთხედის ელჩებმა სინანული გამოთქვეს საქართველოს პარლამენტის მიერ 4 მარტს უცხოური დაფინანსებისა და პოლიტიკური საქმიანობის შესახებ ახალი კანონმდებლობის მიღების გამო, რაც სამოქალაქო საზოგადოების მიმართ საქართველოს ხელისუფლების მიერ მიღებული შემდგომი რეპრესიული მიდგომის დასტურია და კიდევ ერთხელ დაადასტურეს თავიანთი ურყევი მხარდაჭერა ქართველი ხალხის, ასევე საქართველოს სუვერენიტეტისა და ტერიტორიული მთლიანობის მიმართ მის საერთაშორისოდ აღიარებულ საზღვრებში", — წერს საფრანგეთის მისია ეუთოში X-ზე.