ჰარვი ვაინშტაინის საქმეს ბოლო რომ არ უჩანს, ამაზე ისიც მეტყველებს რომ ყოველდღე ახალ-ახალი ინფორმაცია ხდება ცნობილი.

ანჯელინა ჯოლი, გვინეტ პელტროუ, ლინა ჰიდი და ა.შ. არასრული ჩამონათვალია იმ ქალებისა, რომლებმაც ჰარვის სექსუალურ შევიწროებაში დასდეს ბრალი და მისი კარიერა დაასრულეს.

დღეს კი ცნობილი გახდა, რომ ამ ბრალდებას უკვე ჰარვის ძმას, ბობ ვაინშტაინსაც უყენებენ.

ამანდა სეგალი, რომელიც ძმების კომპანიაში სატელევიზიო დრამაზე, The Mist მუშაობდა, ამბობს, რომ ბობი მისი მისამართით ყოველთვის აკეთებდა სექსუალური სახის კომენტარებს და მეტიც, გამუდმებით ცდილობდა მის შეტყუებას თავის პირად ოთახში.

"ამბობდა, რომ ჩვებ უბრალოდ ვისადილებდით", - ყვება ამანდა.

აღსანიშნავია, რომ ბობმა, მას შემდეგ რაც ჰარვის ამბავი გახმაურდა, თავის ძმას ავადმყოფი და მსოფლიო დონის მატყუარა უწოდა.

გაიგე მეტი: სექსუალური შევიწროება კინოინდუსტრიაში - ჰოლივუდი ჰარვი ვაინშტაინის წინააღმდეგ