"დღეს გაერთიანებული სამეფოს ხელისუფლებამ გამოაცხადა სანქციების პაკეტი, რომელიც მოიცავს დაახლოებით 300 კომპანიასა და ინდივიდს", — ამის შესახებ ჟურნალისტებთან საუბრისას საქართველოში დიდი ბრიტანეთის ელჩმა გარეტ უორდიმ განაცხადა. მისი თქმით, სანქციების სიაშია — "ტრანსნეფტი", რომელიც პასუხისმგებელია რუსული ნავთობის 80%-ის ტრანზიტზე და "ჩრდილოვანი ფლოტის" გემები და კომპანიები.

"დღეს გაერთიანებული სამეფოს ხელისუფლებამ გამოაცხადა სანქციების პაკეტი, რომელიც მოიცავს დაახლოებით 300 კომპანიასა და ინდივიდს. ისინი არიან სხვადასხვა სექტორში, მათ შორის არის „ტრანსნეფტი“, რომელიც პასუხისმგებელია, თუ სწორად მახსოვს, რუსული ნავთობის 80 პროცენტის ტრანზიტზე. სანქციების ქვეშ მოექცა „ჩრდილოვანი ფლოტის" გემები და ასევე კომპანიები, რომლებიც ავრცელებენ დეზინფორმაციას, რაც დამაზიანებელია უკრაინის სუვერენიტეტისთვის. ეს არის რისი თქმაც მსურს ამ ეტაპზე და ეს ინფორმაცია დეტალურად ხელმისაწვდომია ონლაინ", — განაცხადა ელჩმა.

შეგახსენებთ, რომ დღეს დიდმა ბრიტანეთმა, რუსეთის (EU Exit) სანქციების რეგულაციების ფარგლებში, სამთავრობო პროპაგანდისტული "იმედი" და "პოსტვ" დაასანქცირა.