"ეუთო დანიშნავს ექსპერტთა მისიას, რათა ჩამოვიდნენ საქართველოში, დაადგინონ ფაქტები, გასცენ რეკომენდაციები, ეს რეკომენდაციები გაეგზავნება მონაწილე ქვეყნებს განსახილველად, — ამის შესახებ საქართველოში გერმანიის ელჩმა "ინტერპრესნიუსთან" ინტერვიუში "მოსკოვის მექანიზმზე" საუბრისას განაცხადა, რომელიც დიდმა ბრიტანეთმა და ევროკავშირის 23-მა სახელმწიფომ, მათ შორის გერმანიამ, საქართველოსთან მიმართებაში 30 იანვარს გაააქტიურად.

ელჩის თქმით, "საქართველოს ექნება შესაძლებლობა, დააფიქსიროს პოზიცია რეკომენდაციების შესაბამისად და შემდეგ ის გაეგზავნება ეუთოს მუდმივ საბჭოს შემდგომი ქმედებებისთვის".

"საქართველო ეუთოს მონაწილე სახელმწიფოა და საერთაშორისო ორგანიზაციის წევრობას თან ახლავს პასუხისმგებლობები და ვალდებულებები. როგორც ეუთოს მონაწილე ქვეყანამ, საქართველომ პასუხისმგებლობა აიღო, ხელი მოაწერა და ვალდებულება აიღო, დაეცვა ადამიანის უფლებები და ფუნდამენტური უფლებები. ეუთოს ფილოსოფია მდგომარეობს იმაში, რომ მოქალაქეთა ადამიანის უფლებები და ფუნდამენტური უფლებები არის საკვანძო მშვიდობისთვის, სამართლიანობისთვის, კეთილდღეობისა და მეგობრული ურთიერთობებისთვის მონაწილე ქვეყნებს შორის. ეს არის ეუთოს შეთანხმების შავით თეთრზე დაწერილი ტექსტი. ეუთოს არსი მდგომარეობს მშვიდობიან სამყაროში თანამშრომლობაში და ყველა მონაწილე ქვეყანა, მათ შორის, საქართველო შეთანხმდა, ასევე შავით თეთრზე დაწერილი ტექსტით, რომ "ადამიანის უფლებები და ფუნდამენტური უფლებები წარმოადგენს ყველა მონაწილე სახელმწიფოს უშუალო საზრუნავს და არ მიეკუთვნება საერთაშორისო ურთიერთობების ექსკლუზიურ სფეროს". ეს არის თამაშის წესები — თუ ხარ ორგანიზაციის წევრი, ხელს აწერ ამას, შესაძლოა, ელოდო და უნდა ელოდო კიდეც, რომ შენი შეფასება მოხდება იმავე წესებით, რომელსაც ხელი მოაწერე. რაც შეეხება პროცედურას, 2024 წლის დეკემბერში ეუთოს მონაწილე ქვეყნებმა აამოქმედეს "ვენის მექეუთო დანიშნავს ექსპერტთა მისიას, რათა ჩამოვიდნენ საქართველოში, დაადგინონ ფაქტები, გასცენ რეკომენდაციები, ეს რეკომენდაციები გაეგზავნება მონაწილე ქვეყნებს განსახილველადანიზმი", საქართველომ ამას უპასუხა, რაც არ იყო დამაკმაყოფილებელი და შემდეგ, ახლა, იანვარში ჩვენ ავამუშავეთ "მოსკოვის მექანიზმი", 23-მა ქვეყანამ, მათ შორის, გერმანიამ. ეს იმას ნიშნავს, რომ საქართველოს ექნება შესაძლებლობა, დააფიქსიროს პოზიცია რეკომენდაციების შესაბამისად და შემდეგ ის გაეგზავნება ეუთოს მუდმივ საბჭოს შემდგომი ქმედებებისთვის. ექსპერტთა მისიის არეალი საკმაოდ ვრცელია, ყველაფერი შავით თეთრზე არის დაწერილი, ყველაფრის წაკითხვა შეიძლება და არ არის საჭირო რაიმეს წარმოდგენა ან სპეკულირება. ეს ეხება ადამიანის უფლებებს და ფუნდამენტურ უფლებებს, კანონის უზენაესობას საქართველოში. ეს მოიცავს დემონსტრაციებს როგორც 2024 წელს, ასევე ადრეულ 2025 წელს", — განაცხადა ფიშერმა.

შეგახსენებთ, რომ დიდმა ბრიტანეთმა და კიდევ 23-მა ქვეყანამ, საქართველოში ადამიანის უფლებების მდგომარეობის გაუარესებასთან დაკავშირებით ექსპერტთა მისიის შესაქმნელად, ეუთოს "მოსკოვის მექანიზმი" 30 იანვარს გაააქტიურა.

მეტი მოსკოვის მექანიზმის შესახებ: