"მჯერა, რომ იმ ეტაპზე ვართ, როცა სომხეთს რეალურად შეუძლია, მნიშვნელოვანი საყრდენი გახდეს მსოფლიოს ამ რეგიონში ეკონომიკური განვითარებისთვის", — ამის შესახებ ამერიკის შეერთებული შტატების ვიცეპრეზიდენტმა, ჯეი დი ვენსმა სომხეთში ვიზიტისას განაცხადა. ინფორმაცის FOX News ავრცელებს.

ჯეი დი ვენსის განმარტებით, სომხეთი, როგორც ეკონომიკური განვითარების მნიშვნელოვანი საყრდენი რეგიონში, გაახანგრძლივებს და შეინარჩუნებს სამშვიდობო შეთანხმებას და მნიშვნელოვანი კეთილდღეობაც შეიძლება მოიტანოს, როგორც სომეხი, ასევე ამერიკელი ხალხისთვის.

"მე მჯერა, რომ ჩვენ გვაქვს რეალური შესაძლებლობა არა მხოლოდ მივაღწიოთ მდგრად და შეუქცევად მშვიდობას, რაც ისტორიული მნიშვნელობის იქნება. მჯერა, რომ იმ ეტაპზე ვართ, როცა სომხეთს რეალურად შეუძლია, მნიშვნელოვანი საყრდენი გახდეს მსოფლიოს ამ რეგიონში ეკონომიკური განვითარებისთვის, რაც გაახანგრძლივებს და შეინარჩუნებს სამშვიდობო შეთანხმებას და მნიშვნელოვანი კეთილდღეობაც შეიძლება მოიტანოს სომეხი ხალხისთვის და, რაც ჩემთვის განსაკუთრებით მნიშვნელოვანია, ამერიკელი ხალხისთვისაც. ამაზე მუშაობას გავაგრძელებთ. ვიცი, რომ ეს ვიზიტი უბრალოდ მნიშვნელოვანი ნაბიჯია. პატივი მაქვს, ვიყო პირველი ვიცეპრეზიდენტი, რომელიც სომხეთს ეწვია", — თქვა აშშ-ს ვიცეპრეზიდენტმა ჯეი დე ვენსმა სომხეთში ვიზიტისას.

შეგახსენებთ, სომხეთის შემდეგ აშშ-ის ვიცე-პრეზიდენტი აზერბაიჯანში გაემგზავრება, სადაც ვიზიტი 10-11 თებერვალსაა დაგეგმილი.