თავისუფლების მოედანმა ხუთშაბათს, 8 იანვარს, ტრადიციულ შეხვედრის ადგილზე — უზენაეს სასამართლოსთან, გარდამავალი ეტაპის გეგმის საჯარო წარდგენა გამართა, რომელშიც წარმოდგენილი იყო ქვეყნის პოლიტიკური და ინსტიტუციური კრიზისიდან მშვიდობიანი და რეალისტური გამოსვლის გზა.

პრეზენტაციის ფარგლებში თავისუფლების მოედნის წარმომადგენლებმა წარმოადგინეს გარდამავალი ეტაპის გეგმის ძირითადი პრიორიტეტები, რომლებიც ეფუძნება სამ ძირითად მიმართულებას:

  • სამართლიანი და გამჭვირვალე საარჩევნო გარემოს ჩამოყალიბებას;
  • ხელისუფლების ცვლილების შემდეგ პირველ 100 დღეში გადაუდებელი რეფორმების
  • განხორციელებას;
  • კონსტიტუციური წესრიგის, სამართლიანობისა და ძლიერი, ანგარიშვალდებული ინსტიტუტების აღდგენას.

გამომსვლელებმა ხაზი გაუსვეს, რომ საქართველო დღეს ღრმა პოლიტიკურ და ინსტიტუციურ კრიზისში იმყოფება, რაც გამოწვეულია უკონტროლო ძალაუფლების კონცენტრაციითა და დემოკრატიული დაცვის მექანიზმების შესუსტებით. მათ აღნიშნეს, რომ ამ ვითარებაში დემოკრატიული ცვლილება მხოლოდ არჩევნებით არ მიიღწევა და აუცილებელია მკაფიო და სანდო მმართველობის გეგმა.

თავისუფლების მოედანმა კიდევ ერთხელ აღნიშნა, რომ გარდამავალი ეტაპის გეგმა წარმოადგენს საჯარო განხილვის დოკუმენტს და ღიაა მოქალაქეთა უკუკავშირისთვის, იდეებისა და კონსტრუქციული კრიტიკისთვის.