"მოსკოვი სერიოზულად არის განწყობილი საქართველოსთან ურთიერთობების ნორმალიზებისკენ, იმ პირობით, თუ ის რუსეთს თავისი მიზნების მისაღწევად არ გამოიყენებს", — ამის შესახებ რუსულ მედიასთან რუსეთის საგარეო საქმეთა სამინისტროს დსთ-ს ქვეყნების მეოთხე დეპარტამენტის დირექტორი მიხაილ კალუგინი აცხადებს.

"რუსეთი სერიოზულად არის განწყობილი საქართველოსთან ურთიერთობების ნორმალიზებისკენ. მთავარია, რომ საქართველომ რუსეთს მხოლოდ თავისი მიზნების მისაღწევად არ გამოიყენებს", — თქვა მან.

დიპლომატის თქმით, მოსკოვი "თბილისთან სტაბილური ურთიერთობებისკენ" ისწრაფვის.

"თბილისი ჯანსაღ პრაგმატიზმს და საგარეო საქმეებში მრავალვექტორიანი მიდგომისკენ მიდრეკილებას ავლენს", — დასძინა მან.

კერძოდ, კალუგინმა გაიხსენა, რომ საქართველო არ შეუერთდა ანტირუსულ სანქციების კოალიციას და უარყო რუსეთის წინააღმდეგ "მეორე ფრონტის" გახსნის უგუნური სცენარი, რომელიც მას გარედან აკისრებდნენ.

"ამის წყალობით, ბოლო რამდენიმე წლის განმავლობაში მნიშვნელოვან ეკონომიკურ მიღწევებს მივაღწიეთ. "ჩვენ არ გვაქვს დიპლომატიური ურთიერთობები, მაგრამ გვაქვს აქტიური კავშირები, რომელსაც ხელშესახები სარგებელი მოაქვს", — დაასკვნა დიპლომატმა.