როდესაც ფეისბუკის მომხმარებელმა თაკო სონღულაშვილმა აღმოაჩინა, რომ შუადღისას წყლის მიწოდება შეუწყდა, ფეისბუკზე თბილისის წყლის მომმარაგებელ კომპანიას მიმართა.

"ორთაჭალის ქუჩაზე 6 საათზე წყალი თუ არ იქნება, საკუთარ პოსტებზე პასუხს არ ვაგებ! :D 9-ზე გაკვეთილზე უნდა ვიყო" - დაწერა თაკომ.

სტატუსის დაწერიდან 2 საათში, თაკოს GWP-ის თანამშრომელი კომენტარით გამოეხმაურა და აღნიშნა, რომ მისი სტატუსის შემდეგ აჩქარდნენ და დაგეგმილზე ადრე დაასრულეს სარემონტო სამუშაოები.

6:22 წუთზე თაკომ გვაცნობა, რომ მას წყალმომარაგება აღუდგა.

ჭირი იქა, ლხინი აქა, ქატო იქა, ფქვილი აქა.

ფოტო: Metro-Goldwyn-Mayer

თითქმის ყოველდღიურად თბილისში წყლის მიწოდების პრობლემა ათასობით ადამიანს ექმნება. GWP შექმნილ პრობლემებს მოძველებული ინფრასტრუქტურით ხსნის ხოლმე.