სინდისის პატიმარ მათე დევიძის მხარდამჭერ მარშზე საპროტესტო მსვლელობის 13 მონაწილე დააკავეს.

აქციის მონაწილეების ცნობით, დაკავებულთა შორის არიან: ლუკა ხიზაძე, ხალიბეგ მაგამედოვი, რეზი დუმბაძე, გიორგი ჟამერაშვილი, ელენე ბერიკაშვილი, გია ჯვარშეიშვილი, ვასო ბერიძე, ნელი დიასამიძე, ნინო ბარძიმიშვილი, ქეთევან ხუსკივაძე.

დაკავებულთა ზუსტი რაოდენობის შესახებ ინფორმაცია შსს-მ გაავრცელა.

"შინაგან საქმეთა სამინისტროს თანამშრომლებმა, 19 ნოემბერს, საქართველოს ადმინისტრაციულ სამართალდარღვევათა კოდექსის შესაბამისად აქციის 13 მონაწილე დააკავეს.

დაკავებული პირები არ დაემორჩილნენ პოლიციელთა კანონიერ მოთხოვნას და სიტყვიერი შეურაცხყოფა მიაყენეს სამართალდამცავი ორგანოს წარმომადგენლებს სამსახურებრივი მოვალეობის შესრულების დროს.

მოვუწოდებთ მოქალაქეებს, თავი შეიკავონ კანონსაწინააღმდეგო ქმედების განხორციელებისგან, წინააღმდეგ შემთხვევაში, საქართველოს შინაგან საქმეთა სამინისტრო იმოქმედებს კანონით მისთვის მინიჭებული მანდატის ფარგლებში, მოახდენს ყველა სამართალდამრღვევი პირის იდენტიფიცირებას და მათ მიმართ გაატარებს კანონით განსაზღვრულ შესაბამის ზომებს", — წერია "ოცნების" ხელისუფლების შსს-ს მიერ გავრცელებულ განცხადებაში.