ლიდერი სადაზღვევო კომპანია თიბისი დაზღვევა მომსახურების სისწრაფესა და ინოვაციებში ახალი სტანდარტების დამკვიდრებას აგრძელებს.

ამჯერად კომპანიამ თავისივე რეკორდი მოხსნა და მომხმარებელს ავტო სადაზღვევო შემთხვევა სულ რაღაც 3 წუთსა და 4 წამში დაურეგულირა, თუმცა, თიბისი დაზღვევის ავტოდაზღვევის მიმართულების მიღწევები მხოლოდ ანაზღაურების ახალი რეკორდით არ შემოიფარგლება. დაფუძნების დღიდან კომპანიამ ავტოდაზღვევის ბაზარზე ლიდერობა მოიპოვა და მას შემდეგ, მყარად ინარჩუნებს ამ სტატუსს, თან წლიდან წლამდე მზარდი წილით.

კომპანიას ანაზღაურების მოსახერხებელი და სწრაფი პროცესის ამბიცია აქვს; მიზანია, ადამიანების ცხოვრების გამარტივება, რომ მომხმარებლის კმაყოფილების დონე მუდმივად მაღალი და პროგრესირებადი იყოს.

თუ როგორ დაამყარა თიბისი დაზღვევამ ახალი რეკორდი, ამის შესახებ უფრო დეტალურად კომპანიის ქონებრივი სადაზღვევო შემთხვევების მართვის განყოფილების უფროსი, ბაჩანა ხახიშვილი მოგვიყვება.

თიბისი დაზღვევამ უკვე მესამედ დაამყარა ანაზღაურების სისწრაფის რეკორდი. რამ განაპირობა ეს შედეგი?

თიბისი დაზღვევის მთავარი მიზანი მომხმარებლისთვის სრულიად განსხვავებული გამოცდილების შექმნაა, რომ ადამიანებს აღარ მოუწიოთ ზედმეტი ბიუროკრატიული პროცესებში დროის დაკარგვა. სწორედ ამიტომ, მთელი ავტოდაზღვევის მთელი პროცესი გადავიტანეთ ციფრულ პლატფორმებზე, გავამარტივეთ შესავსები ფორმები ეტაპების შემცირებით.

დღეს ყველაფერი ხდება კიდევ უფრო სწრაფად, სამართლიანად და მარტივად: მომხმარებელი თიბისი დაზღვევის აპლიკაციაში აფიქსირებს სადაზღვევო შემთხვევას, რის შემდეგაც მისი შეფასება და შესაბამისი ანაზღაურება მობილური აპლიკაციით რეალურ დროში ხორციელდება.

ეტაპობრივად ვნერგავთ ხელოვნური ინტელექტის ინსტრუმენტებსაც იმისთვის, რომ ეს პროცესი კიდევ უფრო ეფექტიანი და სწრაფი გახდეს. ეს ის კომფორტია, რომელიც ყველას სჭირდება. შეიძლება ითქვას, რომ ჩვენ ვიყურებით წინ, წინასწარ ვხედავთ მომხმარებლის საჭიროებებს და ვმოქმედებთ მათი ინტერესების მაქსიმალური გათვალისწინებით.

მხოლოდ ბოლო 9 თვის შედეგების მიხედვით, თიბისი დაზღვევას მიღებული აქვს 18,000-ზე მეტი განაცხადი. კომპანიამ აანაზღაურა 37 მილიონ ლარზე მეტი თანხა. როგორ შეგვიძლია ამ მონაცემის ინტერპრეტაცია, რას გვეუბნება კომპანიის შედეგებზე?

აღნიშნული შედეგები ჩვენი დაზღვევის მიმართ დიდ ნდობაზე მიანიშნებს. ადამიანები აღარ ფიქრობენ დაზღვევაზე, როგორც რთულ პროცესზე. მათ სჯერათ, რომ თიბისი დაზღვევა რეალურად უდგათ გვერდში მაშინ, როდესაც ყველაზე მეტად სჭირდებათ. ყველაფერი პროფესიონალებით დაკომპლექტებული გუნდის დამსახურებაა. ასეთი მასშტაბის ანაზღაურება ჩვენთვის არის იმის ნიშანი, რომ სისტემა გამართულად მუშაობს და მომხმარებლების გამოცდილება ჩვენ განვითარებასთან ერთად უფრო და უფრო უმჯობესდება.

სადაზღვევო შემთხვევებს შორის რა ტიპებია ყველაზე გავრცელებული და როგორ იყენებთ ამ მონაცემებს პროცესების გასაუმჯობესებლად?

ჩვენი დაკვირვებით, ყველაზე ხშირია ავტომობილის მცირე დაზიანებები, მაგალითად საქარე მინის დაზიანება. ასევე, გავრცელებულია გაჩერებული მანქანისთვის მიყენებული ზიანი. ამ ტიპის შემთხვევები ჩვენი მომსახურების ავტომატიზაციის მთავარი ფოკუსია. მონაცემებიდან გამომდინარე, ვაანალიზებთ, სად ხდება ყველაზე ხშირი სადაზღვევო შემთხვევები და როგორ შეგვიძლია ხანგრძლივ პერსპექტივაში გავამარტივოთ მომდევნო ნაბიჯები.

ანაზღაურების დეპარტამენტი დაზღვევის სისტემაში ერთ-ერთი ყველაზე საპასუხისმგებლო სფეროა. რა არის თქვენი მთავარი პრიორიტეტები დღეს?

ჩვენი მთავარი პრიორიტეტია ადამიანის ცხოვრების გამარტივება მაქსიმალურად სწრაფი, სამართლიანი და ხარისხიანი მომსახურებით.

სწორედ ამიტომ, მუდმივად ვხვეწთ ტექნოლოგიებს, თანამედროვე ტრენდების გათვალისწინებით, და ვზრუნავთ იმაზე, რომ პროფესიონალებით დაკომპლექტებული ჩვენი გუნდი მომხმარებლისთვის საუკეთესო გამოცდილების შეთავაზებაზე იყოს ორიენტირებული.

როგორ ფიქრობთ, რა გავლენას ახდენს თქვენი მუშაობის სტანდარტი დაზღვევისადმი საზოგადოების დამოკიდებულების შეცვლაზე?

როდესაც მომხმარებელი ხედავს, რომ მას სადაზღვევო შემთხვევა ძალიან სწრაფად და მარტივად აუნაზღაურდა მას ეცვლება დამოკიდებულება არა მხოლოდ ჩვენი კომპანიის, არამედ მთლიანად დაზღვევის ინდუსტრიის მიმართ. ადამიანებს აღარ ფიქრობენ გართულებებზე, იციან, რომ ყველაფერი სწრაფად, სამართლიანად და გამჭვირვალედ მოგვარდება. სწორედ ეს ნდობაა ჩვენთვის ყველაზე დიდი წარმატება.