დიდხნიანი ლოდინის შემდეგ, ყველასათვის საყვარელი და საკულტო ანიმაციური ფილმი, Toy Story, მეხუთე ნაწილით ბრუნდება. ამჯერად, ვუდი, ბაზი და მათი მეგობრები ახალი თავგდასავლისთვის ემზადებიან.

"ტრეილერში სათამაშოები Lilypad-ს — ბაყაყის ფორმის ჭკვიან პლანშეტს — ხვდებიან. ისინი აანალიზებენ, რომ უწყინარი პლანშეტი რეალურად მათი ახალი საფრთხე ხდება", — ნათქვამია პრესრელიზში.

რაც შეეხება მსახიობებს, ანიმაციური ფილმის მთავარ როლებში ტიმ ალენი და ტომ ჰენქსი ბრუნდებიან. ამავდროულად, ჯოან კიუსაკი ბრუნდება ჯესის როლში, ბლეიკ კლარკი სლინკი დოგის, ხოლო ტონი ჰეილის ფორკის როლში ისევ შევხვდებით. აღსანიშნავია, რომ ფრენჩაიზს კონან ო’ბრაიენი (Smarty Pants) და გრეტა ლიც (Lilypad) შეუერთდებიან.

შეგახსენებთ, რომ Toy Story-ის პირველი ნაწილი ეკრანებზე 1995 წელს გამოვიდა და პოპულარულიც მალევე გახდა. საერთო ჯამში, ანიმაციური ფილმის სამმა ნაწილმა $1 მილიარდ დოლარზე მეტი მოგება ნახა. Toy Story 4 კი ეკრანებზე 2019 წელს ვიხილეთ, მისმა შემოსავალმა $1 მილიარდ დოლარს მალევე გადააჭარბა.

რაც შეეხება Toy Story 5-ს, ანიმაციურ ფილმს ეკრანებზე 2026 წლის 19 ივნისს ვიხილავთ.