საერთაშორისო გამჭვირვალობა - საქართველო თბილისის მუნიციპალიტეტის მეხუთე მოწვევის საკრებულოს სამწლიანი საქმიანობის ანგარიში წარადგინა. ანგარიშის მიხედვით, 2014 წლიდან თბილისის საკრებულომ ეკლესიას საერთო ჯამში 183,414.00 კვ.მ. მიწის ფართობის გადასცა.

ორგანიზაციის თქმით, საპრივატიზაციო პირობა უმეტეს შემთხვევაში არის ეკლესიის აშენება, ასევე სკვერის მოწყობა, კულტურულ-საგანმანათლებლო ცენტრის მშენებლობა, გამწვანება და კეთილმოწყობა:

"საქართველოს სამოციქულო ავტოკეფალური მართლმადიდებელ ეკლესიას უძრავი ქონება პირდაპირი განკარგვის ფორმით გადაეცა - 28 შემთხვევაში სიმბოლურ ფასად 1 ლარად".

ანგარიშის მიხედვით, 58 შემთხვევაში საკრებულომ თანხმობა მისცა ფიზიკური პირის ან კერძო სამართლის იურიდიული პირისათვის ქონების გადაცემის თაობაზე.