რუსი ოპოზიციონერი პოლიტიკოსი, ალექსეი ნავალნი აცხადებს, რომ 7 ოქტომბერს, ვლადიმერ პუტინის დაბადების დღეს, მთელ რუსეთში აქციებს გამართავს. ქვეყნის 80 ქალაქში, სადაც ნავალნის შტაბები იყო გახსნილი დემონსტრაციებზე ყველას მსურველს ეპატიჟებიან.

მედუზას ცნობით, მთავარი ღონისძიება სანქტ-პეტერბურგში, 18 საათზე ჩატარდება, მოსკოვში, პუშკინის მოედანზე კი აქციის ჩატარების უფლება არ მისცეს და არც ალტერნატივა შესთავაზეს:

"ამიტომ, რუსეთის საკონსტიტუციო სასამართლოს გადაწყვეტილები შესაბამისად, გამოვდივართ ტვერსკაიას მოედანზე 14 საათზე, სანქცირებულ და სრულიად ლეგალურ ღონისძიებაზე."

ალექსეი ნავალნი, თავისი შტაბის უფროსთან, ლეონიდ ვოლკოვთან ერთად, დაკავებულია. მათ 2 ოქტომბერს, მიტინგის ორგანიზების წესების დარღვევისთვის, 20 დღით თავისუფლების აღკვეთა შეუფარდეს.