ადგილობრივი თვითმმართველობის არჩევნების დღეს ტელეკომპანია რუსთავი 2-ის დაკვეთით თბილისსა და ქუთაისში ეგზიტპოლს ამერიკული კომპანია ედისონ რისერჩი ჩაატარებს.

დღეს, ოთხ ოქტომბერს თბილისში გამართულ პრეზენტაციაზე, ედისონ რისერჩის ვიცე-პრეზიდენტმა, რობ ფაბმანმა განაცხადა, რომ 21 ოქტომბერს ჩატარებულ ეგზიტპოლის შედეგებს საუბნო საარჩევნო უბნების დახურვის შემდეგ გამოაქვეყნებენ, წინასაარჩევნო კვლევის შედეგები კი პარასკევს, ექვს ოქტომბერს გახდება ცნობილი.

ედისონ რისერჩმა ეგზიტპოლი რუსთავი 2-ის დაკვეთით საქართველოში 2010 და 2012 წლების არჩევნების დროსაც ჩაატარა.

საქართველოში ადგილობრივი თვითმმართველობის არჩევნები 2017 წლის 21 ოქტომბერს ჩატარდება.