2017 წლის ნობელის პრემია ფიზიკაში რეინერ ვაისს, ბარი ბერიშსა და კიპ თორნს გადაეცათ. მათ პრემია გრავიტაციული ტალღების აღმოჩენაში თავიანთი წვლილისათვის გადასცეს.

სამმა მეცნიერმა „გადამწყვეტი წვლილი შეიტანა LIGO-ს დეტექტორში“ - ობსერვატორია, რომელიც გრავიტაციულ ტალღებზე ნადირობს.

ყველაზე ძლიერი გრავიტაციული ტალღები კატასტროფული მოვლენებისგან წარმოიქმნება, როგორიცაა ორი შავი ხვრელის შეჯახება.

გრავიტაციული ტალღები „ჭავლებია“ სივრცე-დროში, რომელსაც სამყაროში არსებული ყველაზე მძლავრი და ენერგეტიკული მოვლენები იწვევს.

1916 წელს ალბერტ აინშტაინმა იწინასწარმეტყველა, რომ მისი თეორიის მიხედვით, გრავიტაციული ტალღები უნდა არსებობდნენ, მაგრამ მათი დაფიქსირება იმდენად რთული იქნებოდა, რომ ვერასდროს ვერ შეძლებდნენ. თუმცა, 2016 წელს აინშტაინს „იმედები გაუცრუეს“ და გრავიტაციული ტალღები აღმოაჩინეს. ეს ტალღები უკვე ოთხჯერ დავაფიქსირეთ.