გთავაზობთ ფილმებს, რომელთა ნაწილი მართლაც შემოდგომაზეა გადაღებული, ნაწილი კი უბრალოდ ატარებს იმ ემოციას, რასაც შემოდგომას ვუკავშირებთ. ასე რომ, გაიმზადეთ ჩაიდნები, შეისუნთქეთ გრილი ჰაერი და დავიწყოთ:

1. კოკო (Coco) — 2017

ნუ წაართმევთ საკუთარ თავს ამ საოჯახო ფილმის ყურების ბედნიერებას (მაშინაც კი, თუ ატირებულს მოგიწევს "Remember Me"-ის სიმღერა). გარდა იმისა, რომ კოკო თვალისმომჭრელი და ფერადი ანიმაციაა, გვიყვება შთამბეჭდავ ამბავს იმის შესახებ, როგორია სცე პატივი შენს ოჯას და საკუთარ თავს თაობათაშორისი დაპირისპირების დროს — და დიახ, ყველაფერი შემოდგომაზე, "მიცვალებულთა დღეზე" ხდება.

2. შეუდარებელი მისტერ ფოქსი (Fantastic Mr. Fox) — 2009

როალდ დალის ამავე სახელწოდების 1970 წლის კლასიკური საბავშვო წიგნი აქ იქცა მომხიბვლელ, არაჩვეულებრივი მსახიობებით გაფორმებულ ანიმაციურ თავგადასავლად, რომელიც თავიდან ბოლომდე შემოსილია შემოდგომის წითელი, ოქროსფერი და ბრჭყვიალა ნარინჯისფერი ტონებით

3. მონა ლიზას ღიმილი (Mona Lisa Smile) — 2003

ჯულია რობერტსის, ჯულია სტაილზისა და კირსტენ დანსტის ტრიოს ყურებას ყოველ სეზონზე სასიამოვნოა, მაგრამ შემოდგომით მათი ნახვა მოგანდომებთ კარგად ნაქსოვი ჯემპრის ჩაცმას და ჩაით სავსეს თერმოსს, რათა ჰარვარდ-იელის თამაშში უგულშემატკივროთ მათ.

4. შემოდგომა ნიუ-იორკში (Autumn in New York) — 2000

როგორ შეიძლება ამ ფილმს გვერდი ავუაროთ? სახელის გარდა, უაინონა რაიდერის ეს სენტიმენტალური ფილმი ბევრ ისეთ რამეს ატარებს თან, რასაც შემოდგომას ვუკავშირებთ, მათ შორის ცენტრალურ პარკს, პატარა მუზეუმებს და ემილი დიკინსონის მსგავსად ჩაცმულ ქალებს. ამის ნახვა ყველას გვიყვარს (და ამაზე ტირილიც).

5. დედინაცვალი (Stepmom) — 1998

ამ ფილმზე ფიქრისას ძალიან ჭირს ტირილისგან თავის შეკავება, მაგრამ, მიუხედავად ამისა, ბოლო სამი წელია, როგორც კი გარეთ ოდნავ აგრილდება, მაშინვე ხელახლა ვუყურებთ. სუზან სარანდონი და ჯულია რობერტსი ერთად მომხიბვლელი, სეზონური ქუდებით..

6. მკვდარი პოეტების საზოგადოება (Dead Poets Society) — 1989

მართლაც საყოველთაოდაა აღიარებული, რომ ყველა ფილმი, რომელშიც (1) სიუჟეტი ბიჭების სკოლაში ვითარდება და (2) მთავარ როლში რობინ უილიამსია, მაქსიმალურად სასიამოვნო, ნოსტალგიური და სიძველის ელემენტებით სავსეა. უილიამის გარდაცვალების შემდეგ ამ ფილმის ყურება ცოტათი რთულია, მაგრამ ღირს. ფილმის ზოგიერთი ნაწილი დღემდე აქტუალურია, ხოლო რაც არა, ნუ იდარდებ, უბრალოდ, მიეცი აკადემიურ ატმოსფეროს შენი დამშვიდების საშუალება.

7. როცა ჰარი შეხვდა სალის (When Harry Met Sally…) — 1989

შემოდგომაზე ფიქრისას, ფოთლებით მოფენილ ცენტრალურ პარკში მოსეირნე მეგ რაიანსა და ბილ კრისტალს ვხედავთ, რომლებიც სალის ამაღელვებელ სექსუალურ ფანტაზიაზე საუბრობენ. ფილმში წელიწადის სხვადასხვა დროა ნაჩვენები, თუმცა ყველაზე ხასხასა და ცოცხალი მასში შემოდგომაა, რაც ნოემბრის მოსაწყენი საღამოს გადასაგორებლად ამ ფილმის სახით იდეალურ საშუალებას გვთავაზობს.

8. კალმარი და ვეშაპი (The Squid and the Whale) — 2005

ალბათ, ბრუკლინისთვის ტიპური ფონი, მეტროდან სახლისკენ ამომავალი ნიუ-იორკელი ბავშვების სცენა ქმნის ნოა ბაუმბახის ადრეულ ფილმში სასკოლო განწყობას, მაგრამ, გულწრფელად რომ ვთქვათ, ფილმი საკმარისად კეთილგონივრული, ამაღელვებელი და სახალისოა იმისთვის, რომ წელიწადის ნებისმიერ დროს ვუყუროთ.

9. არჩევნები (Election) — 1999

არასდროსაა მოსაბეზრებელი იმის ყურება, როგორ ატერორებს მთელ სკოლას რიზ უიზერსპუნის ჭკვიანი, ზედმეტად მიზანდასახული და ცოტათი ეშმაკური პერსონაჟი — ტრეისი ფლიკი — იმით, რომ ცდილობს საუკეთესო იყოს. მისი ნაქსოვი ჟილეტი ნამდვილად შემოდგომისთვისაა.

10. ჩვეულებრივი ადამიანები (Ordinary People) — 1980

თუკი მისი პოეტური დასაწყისი პირდაპირ ამაზე არ მეტყველებს, Ordinary People-ის სასიამოვნო, ნაქსოვი ტანსაცმელი, პალტოები ცხვრისმაგვარი საყელოთი და სევდიანი ოჯახური დრამა აუცილებლად აქცევს მას ერთ-ერთ ყველაზე შესანიშნავ საშემოდგომო ფილმად.